مرأة

مجرد_رأي( المرأة بين القوانين الغربية و العربية )

• بواسطة يحي الداخلى
• 2025 Jul 22
• 54

مجرد_رأي( المرأة بين القوانين الغربية و العربية )

بيقولوا "مصايب ناس عند ناس تانيين منافع"، ومرات #آندي_بايرون المدير التنفيذي لشركة أسترونومر شكلها الفرج جالها من أوسع أبوابه، زي ما بيقولوا "رب ضارة نافعة" ????

الست كانت قاعدة في بيتها في أمان الله، وفجأة لقت فيديو لجوزها العزيز وهو بيهزر ويدلع مع المديرة التنفيذية في شركته، كرستين كابو، وهم الاتنين في حفلة كولدبلاي، واللقطة طلعت على الشاشة الكبيرة قدام خلق الله كلها.والشركة علشان تحافظ على سمعتها قالتله: "شكراً، قدم استقالتك".

نروح بقى على النقطة اللي تهمنا أكتر... الفلوس ????

أول حاجة مراته عملتها إنها شالت اسم عيلته من على حساباتها على السوشيال ميديا، يعني بتقوله بشكل غير مباشر: "باي باي، استنى ورق الطلاق".

وهنا تبدأ القصة الحقيقية...

الراجل ده عنده حوالي 5% من أسهم الشركة، اللي قيمتها أصلاً بتعدي المليار دولار، يعني لوحده أسهمه تساوي حوالي 67 مليون دولار.

واللي معناه ببساطة إن مراته الطيبة دي هتاخد نصهم في الطلاق... يعني حوالي 33.5 مليون دولار (يعني فوق المليار ونص جنيه مصري). سبحان موزع الأرزاق!

وده يورينا قد إيه حقوق الست هناك محفوظة، وكرامتها متصانة في القوانين و الدول الغربية.

نيجي بقى عندنا في مصر...
الست لو جوزها عمل كده، أهلها وأهل جوزها و أمة لا اله الا الله ???? يقولولها "استحملي، حافظي على بيتك"، ولو قالت "لأ"، يطلقها ويرميها هي وعيالها، وممكن ما يصرفش عليهم جنيه! وفي الآخر تضطر تروح تعيش عند أهلها، وتشتغل عشان تصرف على ولادها، أو تروح المحاكم وتاخد فتات.

#رضوى_النبراوي

• الوسوم
• مجرد_رأي(
• المرأة
• بين
• القوانين
• الغربية
• و
• العربية
• )
• مجرد_رأي( المرأة بين القوانين الغربية و العربية )