مطبخ

كتب يحي الداخلى بعض النصائح للتوفير

• بواسطة يحي الداخلى
• 2025 Aug 19
• 67

كتب يحي الداخلى بعض النصائح للتوفير

1/بالنسبه للسمنه  هاتي اتنين كيلو لبن اغليهم وحطيهم فى الثلاجه متاخديش منهم لبن خالص لغايه الصبح تتكون طبقه سميكه جدا من القشطه إذا كان نوع اللبن حلو شيليها فى علبه على اخر الشهر تكون اتملت اعمليها سمنه هتطلع  برطمان صغير تكفيكي طول الشهر مع ازازه زيت ذره  ومش هتحتاجي تجيبي سمنه من بره
اصلا السمنه البلدي دي نقيه ومش تعرفي تجيبي زيها من بره.سمنه على ابوها زى ما بيقولوا????

2/بعمل بكيلو لبن زبادى بتطلع8كوبايات صغيره وطعمها تحفه وطبعا نظافه وتوفير وطعمها يجنن ❤️????

3/ بجيب داوني  او اى معطر ملابس كيس صغيره بحطها فى ازازه واملاها مايه وارش منها فى البيت طبعا الريحه ماقولكوش وكمان للناس اللى بتتعب من الروايح مش هتتعب من ااريحه دى وهتوفر معاكى بدل معطرات الجو????❤️

4/ بالنسبه لنظافه التواليت بجيب كيس كلوركس صغير او اريال جل او اى حاجه ابو 2جنيه ده وتخرميه بالابره وتحطيه فى السيفون وكل ماتشدى السبفون هيتملى رغاوى صابون وريحه حلوه ونظافه وتطهير على طول????❤️

5/ عشان تعملى احلى مكرونه بشاميل زودى كريمه لبانى وجبنه مثلثات على البشاميل هيبقى فظييييع ولما تطلع من الفرن غطيها على طول هتبقى طريه جدا ماتقطعهاش الابعد لما تبرد خالص وادعيلى

6/كل لما تعصرى طماطم اوعى ترمى اللى ماتصفاش ده منها اللى بيتبقى فى المصفى شيليه فى كيس فى الفريزر وكل لما تتبلى الفراخ خدى من الكيس ده مش هتحتاجى تبشرى طماطم مخصوص عشان التتبيله

7/ فرق معايا اوى كل لما اجى احط مايه بتغلى على النار الاقى الدهون اللى على السراميك بتدوب اعمليه بليفه وهتطلع بسهوله معاكى لا دعك ولا غيره

8/ الحنفيات ادعكيها بفوطه عليه نقطه زيت جونسون هتلمع زى الجديده بالظبط وهتفضل كده مده هتنبهرى بمنظرهم بجد

• الوسوم
• كتب
• يحي
• الداخلى
• بعض
• النصائح
• للتوفير
• كتب يحي الداخلى بعض النصائح للتوفير