محافظات

منتدى الاستراتيجية الوطنية لحقوق الإنسان 

• بواسطة يحي الداخلى
• 2025 Sep 13
• 62

منتدى الاستراتيجية الوطنية لحقوق الإنسان 

                      كتب / محمد طلبه                            لما يبقى عندنا منظمة مجتمع مدني حقوقية بحجم وقيمة مجلس الشباب المصري تاخد قرار إنها تختار اليوم ده بالذات علشان يكون محطة لتقييم ومراجعة الاستراتيجية الوطنية لحقوق الإنسان بعد مرور ٤ سنين على إطلاقها… يبقى أكيد إحنا بنتكلم عن وضع مختلف ، ولما مئات الشباب من قيادات منظمات المجتمع المدني من ٢٧ محافظة يقطعوا مئات الكيلومترات علشان يتواجدوا في هذا اليوم… برضه يبقي بنتكلم عن وضع مختلف ، ولما رؤساء الأحزاب وقيادات حزبية من كل الأطياف… سواء موالاة أو معارضة… بالإضافة لرؤساء أكتر من ٦٠ منظمة مجتمع مدني يشاركوا في ملتقى الاستراتيجية الوطنية لحقوق الإنسان… يبقى إحنا فعلاً بنتكلم عن حالة مختلفة .
وعلشان نأكد المعنى، لما يكون الملتقى ده منعقد في مقر الاتحاد العام لنقابات عمال مصر، بيت العمال المصري اللي بيمثل قرابة ٥ ملايين عامل… يبقى إحنا قدام وضع مختلف ، ولما نختار إننا نطلق تقرير المتابعة الميدانية لانتخابات مجلس الشيوخ في نفس اليوم اللي الدولة المصرية أعلنت فيه الأجندة الوطنية لتعزيز حالة حقوق الإنسان في مصر من أربع سنوات … يبقى دي رسالة واضحة إننا في حالة مختلفة.
ولما يتم تكريم المئات من المتابعين الميدانيين والباحثين وأعضاء غرف العمليات اللي اشتغلوا على متابعة ورصد انتخابات الشيوخ… في نفس يوم إطلاق الاستراتيجية الوطنية… يبقى المشهد كله بيأكد إننا بنتكلم عن وضع مختلف ، ولما القاعة تضم رموز فكرية وأدبية وإعلاميين من مختلف وسائل الإعلام، ومعاهم تمثيل قوي للأشخاص ذوي الإعاقة من مختلف المحافظات… يبقى أكيد المشهد أعمق وأوضح وبنتكلم عن وضع مختلف.
فخوريين إننا جزء أصيل وفاعل في الحركة الحقوقية المصرية، وإن مجلس الشباب المصري مش مجرد رقم في المعادلة، لكنه لاعب رئيسي وفاعل حقيقي في المجتمع المدني والحركة الحقوقية.
الوضع الحالي لحقوق الإنسان في مصر والدور اللي بيلعبه المجتمع المدني… أداء يستحق المتابعة والدعم

• الوسوم
• منتدى
• الاستراتيجية
• الوطنية
• لحقوق
• الإنسان 
• منتدى الاستراتيجية الوطنية لحقوق الإنسان