كتب يحي الداخلى القواعد العشر لفهم الكائن الذكوري :????

• بواسطة يحي الداخلى
• 2025 Sep 18
• 62

 كتب يحي الداخلى القواعد العشر لفهم الكائن الذكوري :????

 

1- زي ما الست بتبقي "عايزة ورد يا إبراهيم"....

الراجل بيعوز:"A little personal space يا 

زينب"☺️☺️

 

2- الراجل إللي بياخد باله من تغيير نوع البرفان ده راجل معدل وراثيا مش أصلي????‍↔️????‍↔️ ..الراجل الأصلي مش بيشم أصلاً????????.

 

3- الرجالة و همه في الـ personal space يا زينب بيبقوا طرش???????? .. بالمعني الحرفي للكلمة ودايما عنده كلمه مش وقته ..امتي وقته بقا ?متسأليش لان دا سؤال مالوش اجابه عنده☺️ ..بس لو عايزة حاجة تروحي و تفتحي كانزاية البيبسي المشبرة .. و تصبي بالراحة في كوبايته المفضلة من غير ما تتكلمي ????????.. و تخرفشي بكيس اللب السوبر في نعومة???????????? و تفضي نصه في طبق صيني عشان يعمل صوت .. و بعدين بعدها بساعة تسأليه علي الحاجة إللي إنتي عايزاها هيرد من أول مرة????????

 

4- الستات بتعرف تفوق بنسبة 100% بعد الصحيان بعشر دقايق???? ..الراجل في جميع مراحل نموه من ساعة ما يصحي من النوم و لحد ما يوصل الشغل .. و لمدة ساعتين تلاتة بيبقي مرشوش عليه بيروسول????‍↔️ .. بس بكمية لا تكفي لقتله???????? ..

 

5- الرجاله ما بتتكلمش بعد الاكل???????? .. و إللي بيتكلم مش بيتكلم في البيت .. أي محاولة لتغيير مجري الطبيعة حتؤدي إلي كوارث????.

 

6- تغيير مكان المحفظة أو النضارة أو الساعه أو الموبايل بالنسبة للراجل ده مشروع قومي????‍????????‍???? .. بيتم بالتعاون مع اليونسكو???? .. فما بالك بتغيير مكان دولاب أو كرسي ..عايزة الراجل يقعد لك في البيت ما تشيليش حاجة من مطرحها و هو موجود????.

 

7- الكوليسترول و الدهون جزء أساسي من مكونات خلايا الراجل???????????????? .. فبلاش الكلام الجارح بتاع الكرش و الريجيم عشان مش ناقصة سم بدن????????.

 

8- عايزة تعرفي الراجل بيحبك قد إيه❤️ خليه جاي من بره .. و مش شايف قدامه .. و حطيله الأكل .. و مع أول لقمة في بوقه قولي له عملت إيه في موضوع كذا إللي كلمتك فيه من كام يوم???????? .. لو فضلتي عايشة يبقي بيموت فيكي???? .. لو لا قدر الله السؤال طلع إنه القشة اللي قصمت ظهر البعير .. يبقي يا ريت الموضوع يقف على الطرد بس .. أو عاهة مستديمة????????.

 

9- بالنسبة للراجل المصري???????????????? فيه فجوة زمنية غير محسوبة من ساعات الخليقة إسمها صباح الجمعة???? .. إقتراحات الفطار بره و التمشية و الشوبينج و الكلام ده تعمليه مع صاحباتك???? .. الفترة من ليل الخميس حتي ظهر الجمعة إعتبري الراجل فيها في رحلة روحانية تصوفية لإكتشاف الذات زي الوقوف قدام التلاجة بالظبط????????????????

 

10- رجالة الجيل ده بالذات مش حيعمروا كتير .. إلحقي أقعدي معاه و كفاية هري و طلبات عشان تطولي عمره الإفتراضي شوية.. هوه أصلا كده كده بره الضمان????☺️????‍↔️????‍↔️????‍↔️

 

 

• الوسوم
• كتب
• يحي
• الداخلى
• القواعد
• العشر
• لفهم
• الكائن
• الذكوري
• :????
• كتب يحي الداخلى القواعد العشر لفهم الكائن الذكوري :????