مقالات

أقوى ساتر في التاريخ قالوا عنه الكثير ولكن تحطم الاراده العزيمه ونداء الله.---------أكبر     الله أكبر      

• بواسطة يحي الداخلى
• 2025 Oct 09
• 83

أقوى ساتر في التاريخ
قالوا عنه الكثير ولكن تحطم الاراده العزيمه ونداء الله.---------أكبر     الله أكبر      

خط بارليف ماكانش شوية رمل وتراب زي ما ناس بتحاول تقلل منه ده كان واحد من اقوى التحصينات العسكرية في العالم بعد الحرب العالمية التانية وكانوا بيسموه اقوى خط محصن في العالم

الخط ده كان طوله اكتر من مية وسبعين كيلو على ضفة قناة السويس الشرقية وارتفاعه حوالي تلاتين متر وقدامه حقول الغام بعمق كيلو كامل وكان فيه واحد وتلاتين نقطة حصينة عبارة عن ملاجئ خرسانية مسلحة تتحمل القصف وانفاق تحت الارض لحرية الحركة ومواقع نيران في كل اتجاه وانابيب نابالم كانوا مجهزينها يولعوا بيها القناة وكمان مرابض دبابات ومدرعات فيها حوالي مية جندي في كل نقطة

العبقرية المصرية ظهرت في فكرة اللواء باقي زكي يوسف لما استخدم مضخات الميه عشان يعمل فتحات في الساتر الترابي لكن الفكرة دي مكنتش وحدها اللى جابت النصر الحرب بدأت بتمهيد مدفعي وصاروخي ساعة كاملة وفي نفس الوقت ابطال مصريين عملو عمليات بطولية عشان يسدوا فتحات النابالم وبعدها اتعملت اتنين وعشرين نقطة عبور على طول الجبهة تحت حماية الطيران المصري اللى كان بيدك الحصون

بعدها حصلت المعجزة اسرائيل كانت متأكدة ان عبور فرقة واحدة هيحتاج تمانية واربعين ساعة المصريين عبروا تلاتين الف جندي في تلات ساعات ونص بس وبعد ست ساعات خط بارليف كله وقع وبعد تمنتاشر ساعة كان فيه ١٠٠ الف جندي والف دبابة على الضفة الشرقية

المصري حارب وانتصر بشرف وبدمه وعرقه وعشان كده من حقنا نفتخر ومحدش يقلل من اللى عملناه ولا من دم الشهداء سلامك النهاردة مش ببلاش ده تمنه اتدفع من اجدادك
من ملفات أكتوبر المجيد بقلم :-
المحرر الصحفي /سيد عبدالتواب السويفي

البوم الصور

• الوسوم
• أقوى
• ساتر
• في
• التاريخ
• قالوا
• عنه
• الكثير
• ولكن
• تحطم
• الاراده
• العزيمه
• ونداء
• الله.---------أكبر 
•  
•  الله
• أكبر 
•  
•   
• أقوى ساتر في التاريخ قالوا عنه الكثير ولكن تحطم الاراده العزيمه ونداء الله.---------أكبر     الله أكبر