مقالات

حكايات النصر أبطال مصر

• بواسطة يحي الداخلى
• 2025 Oct 15
• 370

حكايات النصر أبطال مصر

بقلم المحرر الصحفي /سيد عبدالتواب السويفي 
الراجل اللي فالصورة ده ذو الوجه المألوف واللى ممكن جدا يبقى شبه حد تعرفه أو أي حد قريب منك .

- القائد بتاعه سأله فى مره : " هو إنت يا ابنى داخل مسابقه مع الجيش مين فيكوا يقتل أكتر !؟"

- الراجل ده ماكنش تم 40 سنه كان واخد نوط الشجاعه 3 مرات و نجمة سيناء مرتين و نوط الترقيه الإستثنائيه و نوط الواجب العسكرى .. 

- الراجل ده و اللى أسس المجموعه 39 قتال "صاعقه" التابعه للمخابرات الحربيه المصريه ..

- مره الفريق عبد المنعم رياض طلب من الراجل ده طلب و قاله : يا إبراهيم الصها*ينه جابوا صواريخ " أرض- أرض" جديده ..
إحنا عايزين منهم صاروخ واحد بس ندرسه ..
 فعبر القناه و جاب تلات صواريخ و فوقهم اسر الملازم "دانى شمعون" بطل المصارعه بتاعهم فى إسر*ائيل ..
الفريق عبد المنعم رياض قاله و هو بيضحك : مش أنا طلبت منك صاروخ واحد بس !؟
 رد و قاله يا فندم يمكن نمتحن فيهم قريب ولا حاجه ف قولت أجيب بزياده علشان المراجعه النهائيه .. 

- الراجل ده تانى يوم إستشهاد الفريق عبد المنعم رياض 9 مارس 1969 عبر برجالته للموقع اللى ضرب الصواريخ ( المعديه 6 )و قتل 44 ظابط و عسكرى إسر*ائيلى ..
و دمر الموقع بالكامل و حرق العلم بتاعهم و رفع العلم بتاعنا على انقاض الموقع ..

 إسرائيل قدمت إحتجاج لمجلس الأمن بسبب وحشية العمليه دى .. 

- خلال أنبل حرب خاضها الجيش المصرى فى 73 طلع على قاعدة صواريخ يتعامل مع كتيبة دبابات فى الإسماعيليه لوحده ..
وللأسف موقعه إتكشف و الصها*ينه عرفوا إنه قائد المجموعه  وكرسوا مدفعيتهم كلها لضربه وإستشهد زى ما كان عايز .. 

- القائد /  إبراهيم الرفاعى ????????

• الوسوم
• حكايات
• النصر
• أبطال
• مصر
• حكايات النصر أبطال مصر