سنتين على بدء الثورة ١٧ تشرين الاول ٢٠٢٠ **

اشعار وخواطر

يا ثورة من كم سنة
مريت ع هالدنيا
مكفى بعدك الالم
بيحني اللي ما بينحني

الكورونا غزيت البلاد
حصدت أبناء و احفاد
شو سحقت فيك امجاد
نستنا شو الولدني

حرمتنا نسمع قداس
شو دفنا من الناس ؟
خلتنا أسرى الاحساس
حرمتنا العيش الهني

لبناني صبح موبؤ
دولتنا نفخت البؤ (البوق)
بالحجر يا شعب نؤ(ارزح)
يا كمامة استوطني

بعدا انفجار المرفاء
لا ترحم و لا ترفىء ( ترفق)
حصد قتل و خفىء( خفق)
خرابوا شي مهزلي

يا ما شرد بشر
هد و دمر حجر
مجد بيروت اندثر
شوارعها صارت مزبلة

ردما شرشر وين ما كان
فيها انفقد الأمان
رجعت فينا بالزمان
لحرب ١٥ سنة

شو كانت عبثية
رميتنا بالف بلية
بين شرقية و غربية
متحركة هل المرملة (رمال متحركة)

نحن من أذكى الشعوب
كان غبانا محجوب
زعما غزيت القلوب
لحكمتهم المرجلة

التجار سرقوا قوتنا
البنوك نهبوا فلوسنا
الهواء تعجل موتنا
يلعن هيدي المرحلة

الفقر غزي بيوتنا
الدولار هزهز توتنا
عم نحمل تابوتنا
ع اصوات الزلزلة

ملفينا ابومراد
???????? لبنان
٢٠٢٠/١٠/١٧

المقال السابق

المقال التالي

اشترك في النشرة الإخبارية