رد غير متوقع ومثير للجدل على صحفي من المتحدثة باسم البيت الأبيض كارولين ليفيت اثار الجدل في امريكا وخلي الصحافة كلها تقوم ومتقعدش. اللي حصل إن المتحدثة باسم البيت الأبيض كارولين ليفيت خرجت عن النص تماما بعد سؤال بسيط من مراسل موقع هاف بوست
رد غير متوقع ومثير للجدل على صحفي من المتحدثة باسم البيت الأبيض كارولين ليفيت اثار الجدل في امريكا وخلي الصحافة كلها تقوم ومتقعدش.
اللي حصل إن المتحدثة باسم البيت الأبيض كارولين ليفيت خرجت عن النص تماما بعد سؤال بسيط من مراسل موقع هاف بوست
كتب يحي الداخلي
واللي سألها ليه تم اختيار بودابست كمكان للقمة بين ترامب وبوتين.. والمفاجأة كان ردها: أمك اللي اختارت بودابست
المراسل الصحفي رجع تاني وسألها: هل تعتبرين ده رد ساخر… لكنها ردت عليه بعصبية وقالتله "من المضحك إنك تعتبر نفسك صحفي.. إنت يساري متطرف ومحدش بياخد موقعك بجد، حتى زمايلك!"
طبعا ردها كان صادم وانتشر بسرعة على مواقع التواصل الاجتماعي، لكن موقع هاف بوست مسكتش وطلع بيان رسمي وقال فيه إن البيت الأبيض بيتعامل بلغة ساحات المدارس بدل ما يجاوب على الأسئلة السياسية المشروعة.
وأكد الموقع إنه هيكمل في طرح الأسئلة "اللي المتحدثين مش عايزين يجاوبوا عليها".
ومن كام يوم الرئيس الأمريكي دونالد ترامب أعلن بنفسه عن قمة مرتقبة مع بوتين في بودابست، بعد مكالمة طويلة بينهم، وقال إنه تم إحراز "تقدّم كبير" وإن وزير الخارجية ماركو روبيو هيقود الاجتماعات التحضيرية.
المشهد ده فتح باب جدل واسع في أمريكا حوالين أداب الخطاب الرسمي في البيت الأبيض، وهل اللي حصل دا مجرد هزار ولا تجاوز تجاه صحفي يستوجب التحقيق؟
#أمريكا #ترامب #بوتين #ترامب_بوتين
اترك تعليقًا
آخر المقالات
اشترك في النشرة الإخبارية
احصل على آخر الأخبار في صندوق البريد الوارد الخاص بك
اشترك في النشرة الإخبارية
الأكثر مشاهدة
فن
صحة
أخبار مصر
مقالات
- 2025 Jul 26
مدى قوة الضمان العيني لسداد الدين المضمون.
محافظات
- 2025 Jul 26
التعليقات الأخيرة