هذا البلد العراق

مقالات

هذا البلد العراق

حسن حنظل النصار
هذا. البلد العراق
ما باقي بيه شي ما نسولف عليه
كل يوم يطلعولنا مشروع وشريط أحمر وكاميرات
والسوداني واقف يحچي عن النهضة والاستثمار
بس الشعب بعده يركض ورا الكهرباء والمَي والراتب اللي ما يوصل
يگولون مشاريع عملاقة
بس العملاق الوحيد هو الفساد
يبنون مول ويفتحوه بالزفات وبعد شهر يصير خرابة
والمقاول طاير بالفلوس والدولة ساكتة
استثمار لا حبيبي، هذا استحمار.
يستثمرون بدم الناس
بلحم الثورة، وبعرق الشباب اللي حلموا بوطن نظيف.
كل شي من الدولة الأرض الفلوس العقود
بس الربح بجيب الجماعة
الناس جاعت بس الإعلام شبع شعارات
والمسؤول يضحك يفتتح يوقّع
ويگلك نحو عراق جديد
بس هو نفس العراق نفس الوجوه نفس اللعبة.
يا سوداني الاستثمار مو بس صور وشريط أحمر
الاستثمار الحقيقي يوم المواطن يحس إن الدولة إله، مو عليه.
غير هالشي كله مركة هوى واستثمار من نوع الاستحمار