نماذج مشرفة

كلمة حق في موقف لازم يتقال

• بواسطة يحي الداخلى
• 2025 Nov 20
• 65

#كلمة حق في موقف لازم يتقال

في البث الأخير للهيئة الوطنية للانتخابات، كان في جملة استفزّتني  لما قال أحد المسؤولين إن "مافيش توجيه من الرئيس" وإن الهيئة "مستقلة تمامًا".
والحقيقة إن الجملة دي خانت صاحبها… لأن المقصود كان التأكيد على استقلال الهيئة، مش نفي دور الرئيس

الهيئة مستقلة… نعم، لكن الاستقلال لا يلغي الفضل
الهيئة الوطنية بالفعل هيئة قضائية محترمة، و«جلّ من لا يسهو».
لكن اللي كل المصريين شافوه إن التجاوزات اللي حصلت في العملية الانتخابية كان ممكن تعدّي زي ما هي، من غير إعادة انتخابات، ومن غير مراجعة دقيقة، ومن غير أي تصحيح للمشهد.

ولولا إن الرئيس عبد الفتاح السيسي — أعزه الله — هو أول من لفت النظر إلى الأخطاء دي، ماكانش هيحصل أي تغيير في دوائر ولا كان هيبقى في تصويب للمسار.

خطأ في التعبير… وليس موقفًا مقصودًا

المسؤول حاول يقول إن الهيئة ما بتاخدش أوامر… لكن الأسلوب خلا الجملة تظهر وكأنها نفي لدور الرئيس، وده غير صحيح.
الاستقلال لا يعني تجاهل الحقيقة، ولا إننا نضيع الفضل على صاحبه.

الحقيقة الثابتة قدّام كل الناس إن الرئيس هو صاحب اللفتة الشجاعة اللي من غيرها ماكانش هيبقى في أي حركة أو تعديل

الرئيس… صاحب الموقف المشهود

تدخل الرئيس لم يكن تدخّل سلطة فوق سلطة، ولا فرض رأي…
بل كان حماية لنزاهة العملية الانتخابية، وحرصًا على إن إرادة الناس ما تتشوّهش، وإن الدولة تظهر بمظهر يليق بها.

والأمانة تقتضي إننا نقولها بوضوح:
البداية الحقيقية للتصحيح لم تكن من الهيئة… بل من الرئيس عبد الفتاح السيسي.

ختامًا

مافيهاش أي عيب، ولا تقليل من استقلال الهيئة لما نعترف إن الرئيس نَبَّه، وصحّح، ووقف موقف يحسب له.
بل العكس… ده يؤكد إن الدولة كلها — بمؤسساتها وقائدها — واقفة على ضمير واحد: ضمير مصر.

• الوسوم
• كلمة
• حق
• في
• موقف
• لازم
• يتقال
• كلمة حق في موقف لازم يتقال