بيان القرن لـ مولانا بتاع الوعود واللي مسيلمة الكذاب نفسه ما كانش يحلم بيه!
بيان القرن لـ مولانا بتاع الوعود واللي مسيلمة الكذاب نفسه ما كانش يحلم بيه!
بقلم - يوسف عبداللطيف
وأهو طالع عليكم تاني بالأسلوب اللي يدوخ النحل .. عامللي فيها المنقذ اللي راجع يفتح صفحة جديدة وهو أصلا ما قفلش ولا صفحة .. ده قافل علينا إحنا بس!
طالع علينا تاني بالنبرة اللي شبه مذيع إعلان عن لبن الأطفال…
كل شوية طالع يقولك كنت بقصر .. كان في عقبات .. كان في مشروعات .. وبيبدأ بإنه “كان مقصر”
يا راجل ده التقصير زعل وقالك ما تلزقنيش في الموضوع ده بالله!
والمصيبة؟! مش في الاعتراف
المصيبة في كمية الحجج اللي لو حطيناها في ميزان .. يقع الميزان من الضحك:
“مشروعات .. عقبات .. ظروف كونية .. المريخ كان راجع لورا”
طب يا عم وحش الفلك .. ما تورينا إنجاز واحد بدل الكلام اللي معمول بال copy–paste من بيانات 2020.
رايح جاي يقولك:
هنعمل تطبيق .. وهيجيلكم رقم .. وهنتابع لحظي
يا سلام! ده لو مسيلمة الكذاب نفسه كان سمع الكلام ده كان قاله:
اهدى شوية يا لورد الوعود .. خليك واقعي!
وبعدين يرمي الكلمة اللي تحسسك إننا في موسم سبوع:
أعدكم أمام الله
يا ابني ما توعدناش
إحنا اللي محتاجين وعد من ربنا إننا نستحمل كلامك دة لحد نهاية الدورة البرلمانية.
يا جماعة ده لو المتابعة "اللحظية" دي حقيقية .. كانت لحقت الكلام اللي قاله من 5 سنين ولسه عايش في حقبة الوعود المستقبلية.
وطبعا كالعادة
"امنحوني فرصة .. هنشتغل .. هنفيد .. هنحاول"
يا ابني إحنا لو بنجمع فرص زي دي كنا فتحنا سوبر ماركت "فرصكو" زمان.
وبعدين يختمها بالجملة اللي بتحسس الواحد إنه في ندوة تنمية بشرية:
أرحب باقتراحاتكم .. صفحة جديدة .. متابعة بيقظة
يا عم بيقظة إيه .. ده إحنا آخر مرة شفناك فيها كنت نايم لدرجة إن المشاكل كانت بتصحى بعضها!
ده حتى مسيلمة الكذاب كان هيقف يقول له
خلي بالك كده هأخسر مصداقيتي أمام الناس بسببك!
بس خلاص
إحنا قرينا البيان .. وفهمنا الرسالة
وده أول بيان في التاريخ يخلي الواحد يسأل نفسه:
هو إحنا محتاجين خدمة؟ ولا محتاجين مترجم يفك طلاسم الكلام؟
اترك تعليقًا
آخر المقالات
اشترك في النشرة الإخبارية
احصل على آخر الأخبار في صندوق البريد الوارد الخاص بك
اشترك في النشرة الإخبارية
الأكثر مشاهدة
نماذج مشرفة
فن
المؤشرات
أخبار مصر
-
- سياسة
- أعمال
- إقتصاد
- العالم
- رياضة
- صحة
- علوم
- منوعات
- المعرض
- الصور
- الفيديو
- أزياء
- أخبار مصر
- محافظات
- مقالات
- فن
- عاجل
- حوادث
- مطبخ
- مرأة
- ثقافة
- ديني
- تعليم
- عرب
- جامعات
- طقس
- اشعار وخواطر
- بنوك
- برقيات
- شركات
- سيارات
- أدب
- أسواق
- أخبار
- حوار
- أحزاب
- نماذج مشرفة
- تقارير وتحقيقات
- قضايا
- تصريح
- العملات
- صناديق المؤشرات
- الاسهم
- العملات الرقمية
- شهادات
- السندات
- صناديق
- المؤشرات
- السلع
- التضخم
- إتصل بنا
التعليقات الأخيرة