وداعاً 2025، أهلاً وسهلاً 2026

اشعار وخواطر

**
يا عام بعد كم يوم رح تنتهي،
كنت قاسي مسموم فيك النُّهى.
إن شاء الله العام الجايي يكون،
حافل بالأمل وبكل شي بهِي.

يا عام، قوْلك رح تكون منيح؟
بالخير جايي تا فيك نستريح؟
ما تكون متل اللي سبقك بالزيح،
ما ندوق بعمرنا شو منشتهي.

يا عام تعودنا الركض للمستحيل،
الموبيل عن نظرنا ما ممكن يميل،
هالقرش بالجيبة شو دمو تقيل،
بيضل هربان فيه الطفران ملتهي.

من وين بدو يحصل معاشو ؟(معاشه )
دايخ تعبان عم يحارب وباشو،(ا باشو)
شو ما عمل الفقر عامل كماشو
بلكي بيحضى بالغنى وبيعتلي.

ملفينا توفيق أبو مراد
عضو اتحاد ألكتاب اللبنانين
٢٠٢٥/١٢/٤

المقال السابق

المقال التالي

اشترك في النشرة الإخبارية