حين يفهم الإنسان لغز الطريق الذي يمشيه

مقالات

بقلم/نشأت البسيوني

في لحظة معينة وإحنا ماشيين في الدنيا بنقف قدام طريق فاكرين إننا اخترناه ومع الوقت نكتشف إن الطريق هو اللي اختارنا وإن كل خطوة مشيناها كان وراها معنى ما شفناهش غير بعد ما عدى زمانه وإن كل محطة وقفنا فيها وكل باب اتقفل وكل باب اتفتح وكل ضهر اتسندنا عليه وكل ضهر اتشال من تحتنا كان جزء من الحكاية اللي بتبني فينا مش حوالينا لما الإنسان يفهم لغز الطريق

اللي ماشي فيه يبدأ يشوف الحاجات مش بعينه بس يشوفها بقلبه وبوعيه وبخبرته اللي اتجمعت من تعب ومن فرحة ومن خيبة ومن لحظة انتصار صغيرة كانت بتقول له كمل انت ماشي صح حتى لو كان شايف نفسه واقف مكانه ومافيش حاجة بتتغير الحقيقة إن جواه كان بيكبر كان بيشفى كان بيقوى وكان بيعرف قيمة نفسه واحدة واحدة هنفهم إن مش كل طريق ممهد سهل ومش كل

طريق صعب مؤذي وإن كتير من أصعب الطرق كانت هي اللي وصلتنا لأوضح الأماكن وإن الناس اللي مشيت معانا شوية ومشيت من غير سبب كانوا درس والناس اللي فضلت واقفة جنبنا وقت ما كنا بنقع كانوا نعمة والناس اللي ظهرت فجأة واتعاملت بنية صافية كانوا رسالة إن الدنيا لسه بخير ولما نستوعب لغز الطريق نعرف إن الصبر مش ضعف الصبر قوة مخفية حكمة ما تتشرحش وإن الرضا

مش استسلام الرضا قوة اللي عرف إنه ما يفوتش الخير اللي مكتوب له وإن البحث عن معناك الحقيقي أهم من البحث عن رضا الآخرين عنك وإنك لما تمشي في طريق مش شبه روحك هتتعب مهما حاولت تثبت العكس ومع كل خطوة هنلاقي حاجات بتنقص وحاجات بتزيد ينقص من حوالينا ناس ماكانوش لينا من البداية ويزيد جوانا نور ما كانش منور زمان ينقص صوت الماضي اللي كان

بيشدنا لورا ويزيد صوت القلب اللي أخيرا بقى فاهم الطريق اللي لازم يكمله من غير تردد ومن غير خوفو نكتشف إن الطريق عمره ما كان ضدنا الطريق كان بيبني فينا الصلابة والوعي والنضج وبيعلمنا إن اللي اتأخر جه في وقته وإن اللي اتمنع كان نجاة وإن اللي ضاع ما كانش لينا وإن اللي جاي دايما أجمل لما نمشي وإحنا عارفين إحنا رايحين فين ومين يستحق يمشي معانا وهنا بس نبدأ

سفر جديد سفر بيمشي فيه القلب ثابت والعقل صاحي والروح متطمنة سفر نقدر نقول عليه دلوقتي بس فهمت لغز الطريق وبقيت ماشي مظبوط

المقال السابق

المقال التالي