محافظات

حين يفكر الانسان ان يبدا من جديد

• بواسطة يحي الداخلى
• 2026 Jan 04
• 154

بقلم/نشأت البسيوني 

حين يفكر الانسان ان يبدا من جديد بيلاقي نفسه واقف قدام حياة كان فاكر انه فاهمها وفجأة يكتشف انه ولا فهم منها حاجة وان الايام اللي فاتت ما كانتش مجرد مواقف وعدت لكنها كانت دروس اتراكمت جوه روحه من غير ما يحس وكل لحظة وجع كانت بتبنيه وكل لحظة ضعف كانت بتعلمه وكل حد سابه كان بيقول له بطريقة ما ان الطريق اللي هو ماشي فيه مش ليه وان اللي كان ظنه نهاية 

كان في الحقيقة بداية مش واضحة لسه بس جواها نور والاحساس ده ما بيجيش في وقت مريح بالعكس بيظهر في اكتر وقت الانسان منهك فيه بيظهر لما يكون واقف بين ماضي تقيل ومستقبل مجهول بيظهر لما صبره يضعف وقلبه يتعب وعقله يدوخ من كتر التفكير ساعتها بس يتحرك جواه سؤال بسيط ليه ما ابداش من جديد ليه ما اغيرش المشهد ليه ما اجربش ارجع لروحي 

اللي ضاعت مني في زحمة سنين مرهقة والبدء من جديد مش لحظة واحدة ده طريق طويل جوه الانسان قبل ما يكون حواليه طريق بيبدأ من اول لحظة يعترف فيها قدام نفسه انه محتاج يتغير او حتى محتاج يرتاح وانه ما ينفعش يعيش طول عمره شايل جراحه وساكت وانه مش غلط يبص لنفسه الاول ولا غلط يشيل قلبه من اماكن كسرت فيه ولا غلط يفهم ان الطيبة مش معناه انه 

يتسحق ولا ان الصبر معناه انه يتحمل فوق طاقته ولا ان التسامح معناه انه يسمح للوجع يدخل تاني وفي رحلة البداية الجديدة الانسان بيبص حواليه بنظرة مختلفة النظرة اللي كانت غايبة عنه سنين النظرة اللي تفهم مين كان بيحبه ومين كان بيستغله ومين كان وجوده تقيل ومين كان وجوده نور النظرة اللي تفضح نوايا ناس كان ظاهرهم بس جميل ومخبيين جواهم عبء ومشاكل 

واستهلاك للنفس.ولما يشوف الحقيقة يعمل اللي كان خايف يعمله يبعد ينسحب يقفل ابواب كان فاكرها حماية وهي كانت مصدر التعب يسيب اماكن اتعود عليها بس ما كانتش مناسبة ليه يحرر نفسه من علاقات فيها مجاملات اكتر من صراحة وفيها تنازلات اكتر من قيمة وفيها كلام جميل بس نية مش نقية وفي كل خطوة جديدة يكتشف ان البدايات الحقيقية ما بتيجيش من ناس جديدة 

بس بتيجي من نفسه هو بتيجي من لحظة يقول فيها انا استحق راحة انا استحق حب صادق انا استحق حياة نظيفة من الاذى انا استحق لحظة هدوء من بعد ضجيج طويل ويبدأ يسمع صوته اللي كان ساكته من زمان يبدأ يفهم رغباته اللي كان بيهرب منها يبدأ يحترم حدود نفسه ويعرف امتى يقول لا من غير خوف امتى يوقف عطاؤه عن ناس ما حافظوش على وجوده امتى يحط 

المسافة اللي تحمي روحه من اللي بيوجعها ومع كل خطوة في الطريق الجديد يلاقي نفسه اخف واقوى في نفس الوقت اخف من حمل الماضي واقوى من كل اللي فات يلاقي قلبه بيرجع يدق بشكل مختلف مش ضعف مش تمسك زائد مش خوف من الفقد لكن نضج ووعي وراحة يلاقي ان سكونه مش هروب سكونه فهم وان صمته مش قلة حيلة صمته حكمة وان انسحابه مش خسارة انسحابه 

نجاة ولما يبص على كل اللي فات بعين واعية يفهم ان ربنا كان شايفه وان اللي اتاخد منه ما كانش خير ليه وان اللي بعد عنه ربنا صرفه عنه علشان ما يتأذيش اكتر وان اللي اتحرم منه في سنين معينة اتبدل له براحة في سنين تانية وان كل غلطة علمته وكل نقطة ضعف قوته وكل خوف خلاه اقرب لنفسه وفي نهاية الطريق يدرك ان البداية الجديدة ما هيش رفاهية البداية الجديدة شجاعة 

انك تعترف بوجعك وتقرر تعيش من غيره شجاعة انك تبص لنفسك بصدق شجاعة انك تسيب اللي ما بقاش ليك وتمسك في اللي لسه جاي شجاعة انك تقول لنفسك انا اقدر حتى لو كنت وحيد وحين يبدأ الانسان من جديد ويكمل الطريق وهو شايل نفسه باحترام يكتشف ان الحياة كانت مستنية اللحظة دي اللحظة اللي يرجع فيها لنفسه ويتولد من جديد برجاحة عقل اقوى بقلب انضج بروح انقى 

وبخطوات ثابتة مهما تعثرت قبل كده يفهم ان اللي جاي اجمل مش لان الدنيا هتتغير لكن لانه هو نفسه اتغير وده اعظم بداية ممكن يحصل عليها الانسان في عمره كله

• الوسوم
• حين
• يفكر
• الانسان
• ان
• يبدا
• من
• جديد
• حين يفكر الانسان ان يبدا من جديد