حين يتغير شكل الحكاية فجأه

مقالات

بقلم/نشأت البسيوني

حين يتغير شكل الحكاية فجأه الانسان بيلاقي نفسه واقف في لحظه ملهاش مقدمات ولا علامات وكأن الدنيا قررت لوحدها تعيد كتابة الخطوط اللي كان فاكرها ثابتة ومافيش قوة تقدر تمسحها وفجأه تلاقي نفسك في منتصف مشهد جديد انت مش جاهز له ومش فاهمه ومش عارف ليه حصل بالشكل ده بس رغم كل ده جوهك صوت ضعيف بيقول لك اصبر لانك يمكن تكون على بعد

خطوة من شيء انت محتاجه اكتر مما كنت متخيل وفي اللحظه اللي بتحس فيها انك تايه ومش ماسك طرف الحكاية تكتشف ان اللي اتغير مش انت اللي اتغير نظرتك للدنيا ووعيك والحتة اللي جواك كانت نايمة وصحيت فجأه مع أول صدمة وأول خيبة وأول باب اتقفل في وشك وأول كلمة وجعتك وأول حد خذلك وبعدها بقيت انسان تاني انسان فاهم اكتر واعقل اكتر واقدر بكتير مما

توقعت وبتفتكر ساعتها ان الحكاية انتهت لكن الحقيقة غير كده خالص لأن كل نهاية هي بداية جديدة وكل طريق اتقفل بيفتح طريق انضف وكل انسحاب بيحطك في مساحة كانت ناقصة منك وكل وجع بيضيف لك قوة وكل خيبة بتشيل من جواك وهم وتزرع بدلها وعي وفي اللحظات اللي بتبص فيها وراك وتقول يا ريت اللي كان ما كانش تعرف وقتها ان اللي راح كان لازم يروح واللي سابك

كان لازم يسيبك واللي اتغير كان لازم يتغير علشان انت كمان تتغير وتعرف قيمة نفسك وقيمة حضورك وقيمة وجودك اللي عمرك ما انتبهت له الا لما اتاخدت منك حاجات كتير ومع الوقت بتفهم ان الحكاية مش ثابتة وان كل فصل فيها له معنى حتى لو كان موجع وان كل محطة وصلت لها كانت بتجهزك لمحطة بعدها وان اللي اتأخر عليك ما اتأخرش عبث واللي اتلغى من حياتك ما اتلغاش

بدون سبب وكل شخص دخل وخرج كان جزء من بناءك مش جزء من كسرك وتكتشف انك اقوى بكتير مما كنت فاكر وانك واقف على رجلك رغم كل اللي وقعك وانك لسه قادر تكمل رغم كل اللي حاول يوقفك وان قلبك لسه قادر يحب رغم كل اللي حاول يعطله وان روحك لسه بتقوم رغم كل الضربات اللي جات عليها وده اجمل دليل انك ما انتهيتش وان الحكاية لسه مكتملة فيك ومش عليك بتبص

للحكاية اللي اتغير شكلها فجأه وتبتسم وتقول الحمد لله على التغيير الحمد لله على التحول الحمد لله على كل حاجة وجعتني وبنتني وكل حاجة راحت وجهزتني وكل باب اتقفل علشان باب تاني يتفتح وكل حكاية خلصت علشان حكاية اعمق تبدأ وكل خطوة ضاعت علشان خطوة أصدق تتكتب وبتعرف ساعتها ان اللي جاي لسه أجمل وانك انت الوحيد اللي تقدر تكمل القصة بالشكل

اللي نفسك فيه وان الحياة مازالت مستنياك تكمل وانك مش متأخر بالعكس يمكن تكون وصلت للوقت اللي كنت محتاجه من زمان علشان تبقى النسخة اللي كانت لازم تظهر دلوقتي

المقال السابق

المقال التالي