مقالات

كنوز العالم في فنزويلا

• بواسطة يحي الداخلى
• 2026 Jan 05
• 51

كنوز العالم في فنزويلا

✍️ وفاء فوزي 

 اللي بيحصل في فنزويلا دلوقتي قلب العالم بعد أزمتها مع أمريكا 

بس إيه حكاية البلد دي؟

 فنزويلا واحدة من أغنى بلاد العالم من حيث الثروات الطبيعية، بلد عندها كنوز تخلي أي دولة تحلم تبقى مكانها. 

مساحتها 916 ألف كيلو وعايش عايش فيها 34 مليون شخص، البلد دي عندها أكبر احتياطي نفط مؤكد في العالم، أكتر من 300 مليار برميل بمعدل 17% من الاحتياطي العالمي، غير الغاز الطبيعي، والدهب، والألماس، والحديد، والبوكسيت، والفحم. 

كمان عندها غابات وأخشاب، وأنهار ضخمة، وطاقة كهرومائية، وسواحل طويلة وجزر سياحية في منتهى الجمال.

 موقعها مميز وطبيعتها غنية من كل اتجاه، وعلشان كده زمان كانوا بيقولوا فيها «ازرع نفط»، يعني استغل البترول واعمل بيه صناعة وزراعة وتعليم وحياة كريمة.

لكن الواقع بيقول إن الثروة لوحدها مش كفاية رغم كل الخير اللي تحت الأرض، فنزويلا عاشت تضخم شديد، وهجرة جماعية، وانهيار في الخدمات الأساسية. 

الاقتصاد اعتمد سنين طويلة على النفط وبس، لحد ما بقى أكتر من 90٪ من دخل البلد جاي منه، وده خلّى الدولة ضعيفة قدّام أي هزة في أسعار الطاقة.

النفط الفنزويلي متركز بشكل أساسي في حزام أورينوكو، وده نفط تقيل وبيحتاج تكنولوجيا متقدمة واستثمارات ضخمة، ومع ضعف الإدارة وقلة الاستثمار، بقى استغلاله صعب. 

ومع إن فنزويلا كمان من كبار منتجي الغاز الطبيعي، وعندها احتياطيات كبيرة من الذهب بتوصل لـ161 طن، وبتحتل مكانة مهمة في إنتاج الألماس، إلا إن سوء التخطيط خلا الثروة تتحول من نعمة لعبء.

• الوسوم
• كنوز
• العالم
• في
• فنزويلا
• كنوز العالم في فنزويلا