حين تضع امرأة قوتها في كسورها بقلم / ناني عادل " جريده الأضواء المصريه "
حين تصنع امرأة قوتها من كسورها
بقلم/ناني عادل
في زمن كانت فيه الأيام ماشية بعنف مالوش ملامح وبتحدف في وشوش الناس رياح تقلب حياتهم من غير إذن كانت في واحدة ما حدش كان شايف جواها غير إنها ضعيفة بس هي كانت غير كده كانت عاملة زي الشجرة اللي اتقلعت من مكانها واترمت في أرض غريبة وبرغم كل ده لسه جذورها ماسكة في الحياة بتقول لسه فيا روح ولسه فيا قوة ولسه فيا حاجة ربنا زرعها جواية محدش يقدر يكسرها
كانت فتاة اتظلمت من الدنيا من الناس من الأيام من القرارات اللي اتفرضت عليها من اللي قالوا كلام يهز الجبال وهي وقفت قدامه من غير ما ترمش من الوجع اللي جرب يحول قلبها لحجر ومن الخذلان اللي كان ممكن يكسر ظهرها ومن الوحدة اللي خلتها تتعالى على خوفها وتتعلم إزاي تبقى سند لنفسها يوم ما ما لقتش حد يسندها
كانوا فاكرينها هتقع فاكرينها هتنهار فاكرينها هتستسلم لكن اللي ما يعرفوش إن الإنسانة اللي واجهت كل ده طلعت أقوى من الصورة اللي رسموها لها أقوى من الجرح اللي كان ممكن يخلص عليها أقوى من اليوم اللي دخلته وهي منهارة وخرجت منه واقفة وكأنها جبل اتبنى على مهل
كانت بتمشي بخطوات ثابتة حتى لو قلبها بيترجف كانت بتضحك للناس وهي جواها بحر حزن ومش خايفة من حقيقة إنها لو وقعت محدش هيشيلها لأنها اتعلمت من أول سقطة إن اللي يعيش متسند على حد عمره ما يشوف الدنيا صح وإن اللي يتعود يقاوم بإيده عمره ما يبقى ضعيف مهما اتكسرت جواه حاجات كتير
اتحولت من بنت اتقال عليها إن الدنيا غلبتها
لست اتقال عنها إن الدنيا هي اللي خافت منها
من إنسانة اتظلمت
لإنسانة فهمت
من قلب اتكسر
لقلب اتقوى
من يوم وجع
ليوم رجوع
من انحناءة
لقامة واقفة بتقول:
أنا هنا… وأنا لسه واقفة
عرفت إن القوة مش إنها ما تتوجعش
القوة إنها ترجع بعد الوجع
مش إنها تعيش من غير ما تقع
القوة إنها تقوم بعد كل اللي وقعها
والناس اللي افتكروها خلاص انتهت شافوها طالعة من وسط الرماد زي شرارة بتنور من أول وجع لنهاية الطريق شافوها ماشية بخطوات جديدة ولا حد قادر يوقفها شافوها بتحارب الأيام اللي حاولت تخلص عليها وهزمتها شافوها بتكسر القيود اللي اتلفت على روحها وقالت لنفسها قبل الدنيا كلها:
أنا مش اللي حصلي
أنا اللي قدرت أقوم بعد اللي حصلي
وعرفت حاجة أهم من كل الوجع
إنه مهما الأيام ضلمت
ومهما البشر قسوا
ومهما القدر لف بيها ألف لفة
في النهاية
هي أقوى
وأصلب
وأثبت
من كل اللي كان ضدها
لأن ربنا كان شايف
وعارف
وبيكتب لها طريق أقوى من الناس اللي كانت السبب في وجعها
اترك تعليقًا
آخر المقالات
اشترك في النشرة الإخبارية
احصل على آخر الأخبار في صندوق البريد الوارد الخاص بك
اشترك في النشرة الإخبارية
الأكثر مشاهدة
نماذج مشرفة
فن
المؤشرات
أخبار مصر
-
- سياسة
- أعمال
- إقتصاد
- العالم
- رياضة
- صحة
- علوم
- منوعات
- المعرض
- الصور
- الفيديو
- أزياء
- أخبار مصر
- محافظات
- مقالات
- فن
- عاجل
- حوادث
- مطبخ
- مرأة
- ثقافة
- ديني
- تعليم
- عرب
- جامعات
- طقس
- اشعار وخواطر
- بنوك
- برقيات
- شركات
- سيارات
- أدب
- أسواق
- أخبار
- حوار
- أحزاب
- نماذج مشرفة
- تقارير وتحقيقات
- قضايا
- تصريح
- العملات
- صناديق المؤشرات
- الاسهم
- العملات الرقمية
- شهادات
- السندات
- صناديق
- المؤشرات
- السلع
- التضخم
- إتصل بنا
التعليقات الأخيرة