مقالات

الايام التي تختبر صمود القلب دون سابق انذار بقلم/نشأت البسيوني " جريده الأضواء المصريه "

• بواسطة المغيرة بكرى
• 2026 Jan 26
• 17

الايام التي تختبر صمود القلب دون سابق انذار
بقلم/نشأت البسيوني 

في حياة كل انسان تيجي عليه ايام ما فيهاش سبب واضح للألم ولا للضيق ولا للغضب لكن يحس فيها ان قلبه بيتشد من مكانه وان روحه محاصرة بين افكار كتير مش قادرة تتحملها ولا قادرة تشرحها الايام دي ما فيهاش موقف واحد يقول اهو ده السبب لكنها فيها تفاصيل صغيرة بتتجمع زي موج عالي يضرب الشط فجأة ويكسر حاجة جوه من غير ما حد يشوف الانسان في الايام دي 

يحس انه مش فاهم نفسه ولا فاهم اللي بيحصل له يحس انه عايز يهرب وعايز يقف وعايز يرتاح وعايز يكمل في نفس اللحظة يحس انه محتاج حد يفهمه بس مش عايز يتكلم ومحتاج يفضفض بس الكلام واقف في حلقه ومحتاج يحتضن حد بس خايف يبان ضعيف قدام اي حد والغريب ان الايام دي هي اكتر ايام بتكشف معدن القلب تكشف قوته الحقيقية مش القوة اللي بنبان بيها قدام 

الناس ولا القوة اللي بنقولها في الكلام لكنها القوة اللي تخلي الانسان يقف وهو تعبان يكمل وهو موجوع يصبر وهو فاقد الأمل ويبتسم وهو من جوه مليان خوف وفي الايام دي يبدأ الانسان يسمع نبضه بشكل مختلف نبض مش بيقول انه عاش بس بيقول انه لسه واقف نبض بيقول ان كل اللي وجعه ما قتلوش وكل اللي كسروه ما منعهش يكمل وكل اللي خذله ما غيرش الحقيقة اللي 

جواه الاهم ان الايام اللي تختبر صمود القلب هي نفسها الايام اللي بتعيد ترتيب الانسان مع نفسه يعرف من يستحق يقرب يعرف من لازم يبعد يعرف هو محتاج ايه ومش محتاج ايه يعرف انه مش مطالب يرضي حد يعرف انه مش واخد من الدنيا اكتر من عمره وان كل لحظة ضاعت في الخوف او التردد كانت خسارة وبعد ما تعدي الايام دي يلاقي نفسه شخص تاني شخص اقوى من اللي كان 

واعقل من اللي عرفه واصدق من اللي مثله شخص اتعلم ان الصمود مش انك ما تقعش الصمود انك تقوم كل مرة تقع فيها من غير ما تستنى حد يشيلك وبعدها يمشي في الحياة وهو فاهم ان القلب اللي صمد في الايام اللي ما كانتش مفهومة هيبقى قادر يشيل اللي جاي مهما كان صعب ومهما كان تقيل ومهما كان مفاجئ

• الوسوم
• الايام
• التي
• تختبر
• صمود
• القلب
• دون
• سابق
• انذار
• بقلم/نشأت
• البسيوني
• "
• جريده
• الأضواء
• المصريه
• "
• الايام التي تختبر صمود القلب دون سابق انذار بقلم/نشأت البسيوني " جريده الأضواء المصريه "