الأثر اللي بيسبب علامة بقلم : نشأت البسيوني " جريده الأضواء المصريه "

مقالات

الأثر اللي بيسبب علامة بقلم : نشأت البسيوني " جريده الأضواء المصريه "

الأثر اللي بيسيب علامة
بقلم/نشأت البسيوني

في كل يوم بنمشي فيه في حياتنا بنسيب أثر والأثر ده ساعات يكون كلمة ساعات يكون نظرة ساعات يكون مواقف بتعدي كأنها بسيطة لكنها بتتخزن جوا قلوب ناس من غير ما نعرف وفي لحظة مش محسوبة تلاقي الأثر ده بيرجع يطل علينا ويفكرنا إحنا كنا مين وإزاي اتغيرنا وليه الطريق أخد منا حاجات ما رجعتش الأثر اللي بيسيب علامة مش لازم يكون عظيم ولا كبير ولا حاجة

يشوفها العالم كله ساعات العلامة تكون هدوءك في وقت الناس كلها بتزعق أو طيبتك في وقت العالم بقى قاسي أو ضحكتك وانت مخبي وجع ما حدش يعرفه أو صبرك على حاجة لو حد تاني كان مكانك كان وقع من زمان وساعات تكون العلامة إنك مشيت من حياة حد من غير ما ترجع تاني وتعلمه درس ماكنتش تقصده بس هو اتعلمه بالغصب وفي نفس الوقت في آثار ناس معينة بتسيبها

جواك من غير ما تاخد بالك ناس تعدي عليك بقلب نظيف يخليك تؤمن إن الدنيا لسه فيها خير وناس تلمس روحك من غير ما تلمس إيدك وناس تفتح لك باب كان مقفول قدامك سنين وتعلمك إن مش كل غياب وجع وإن مش كل حضور أمان وإن مش كل اللي نحبهم قادرين يشيلوا القلب والغريب إن دايما العلامة اللي بتفضل مش المناسبة ولا اللحظة الحلوة العلامة الحقيقية بتكون اللي علمتك

حاجة عن نفسك مش اللي علمتك عن الناس الحاجة اللي خلتك تعيد ترتيب أولوياتك أو واجهتك بعيبك أو خلتك ترجع تحب نفسك من جديد أو خلتك تمشي من مكان كان بيكسر في روحك وانت ساكت وتفهم مع الوقت إن الأثر مش بيتقاس بالحجم الأثر بيتقاس بقد إيه غير فيك قد إيه علمك قد إيه خلاك أقوى أو أهدى أو أوعى أو أكثر صدقا مع نفسك لأن مفيش أثر حقيقي بيعدي من غير ما

يسيب بصمة جوه مكان محدش شايفه غيرك والأجمل إنك تكتشف إنك مش مضطر تعيش علشان تسيب أثر كبير في الدنيا يكفي إنك تسيب أثر نظيف في قلبك أثر يخليك متصالح مع روحك أثر يخليك واقف مهما وقعت أثر يخليك فاهم إنك مش مطالب ترضي حد غير نفسك وإن الحياة مش سباق وإن اللي مكتوب ليك هيوصلك حتى لو الطريق اتقفل ألف مرة تعرف إن الأثر اللي

بيسيب علامة مش اللي يشوفه العالم العلامة الحقيقية هي اللي تشوفها إنت جواك وتعرف إنها السبب الحقيقي إنك بقيت النسخة دي من نفسك