مقالات

الفن مش لكل الناس بقلم / ميرنا حسن " جريده الأضواء المصريه "

• بواسطة المغيرة بكرى
• 2026 Feb 08
• 12

الفن مش لكل الناس

بقلم/ميرنا حسن 

مش كل حد يمسك فرشة ويقول انا فنان ومش كل حد يعرف يحط لون فوق لون ويقول انا مبدع ومش كل حد يعرف يرسم وجه انسان ويطلع منه شكل مختلف او احساس مختلف لان مجال الميك اب مش مجرد الوان ولا مجرد خطوات تتعمل ولا مجرد منتجات غالية الميك اب شيء اعمق من كده بكثير هو عين تشوف اللي محدش شايفه هو احساس قبل ما يكون مهارة هو قدرة الانسان انه يحول ملامح شخص لقصة كاملة
الفنان الحقيقي في مجال الميك اب مش بس بيجمل الوجه لكنه يفهمه يسمع حكايته يعرف نقاط قوته يعرف مخاوفه يفهم الملامح قبل ما يلمسها يعرف فين يحط الضوء وفين يـخفي الظل يعرف يعلي ثقة انسان في نفسه من غير ما ينطق كلمة يعرف يخلي شخص يحس انه اقوى اجمل اثبت حتى لو كان جواه كسر كبير
وفي ناس كتير تدخل المجال بس مش كلهم فنانين في ناس بتتعلم العـملية بس ما بتتعلمش الروح في ناس تحفظ الخطوات لكن ما تحفظش احساس الشخص اللي قدامها في ناس تستخدم ادوات غالية لكن ما تستخدمش قلبها عشان كده مهما حاولوا يوصلوا للمكان اللي فيه الابداع الحقيقي يفضلوا واقفين على العتبة مش قادرين يدخلوا
الفنان الحقيقي بيفهم ان الوجوه مش واحدة وكل وجه له طاقة وحدوتة وطبقة صوت مختلفة لازم يسمعها قبل ما يشتغل عليها بيفهم ان الميك اب مش لتغيير الشخص لكن لإظهاره بيفهم ان الجمال مش شكل بس الجمال امان وراحة وصدق وده شيء ما يعرفش يعمله غير اللي عنده موهبة طبيعية وشغف وحس داخلي
والابداع في الميك اب مش فكرة انك تخلي كل الناس شبه بعض ولا انك تمشي على ترند واحد الابداع هو انك تعمل من كل وجه لوحة فريدة مش تتكرر هو انك تحترم خصوصية كل ملامح وتحافظ على هويتها وتعرف تخرج منها اقصى جمال بدون ما تخون طبيعتها
ولو بصينا بصدق هنلاقي ان اللي ربنا معطيه موهبة في الميك اب قليل وضياءه يبان حتى لو في وسط مية شخص لانه مش بس بيجمل شكل لكنه بيغير احساس الانسان بنفسه بيخليه يشوف جمال مكانش شايفه وده مش شيء ممكن يتعلم في كورس ولا ينشر في صورة ولا ينمو من غير روح الفنان
الفنان الحقيقي في المجال ده بيتعب يجرب يغلط يتطور ما بيقفش عند خطوة واحدة وما بيخافش من الجديد وما بيغترش بالتصفيق وما يركنش على نجاح قديم لانه يعرف ان الفن مسؤولية قبل ما يكون شهرة ويعرف ان لمسة صغيرة منه ممكن تغير يوم كامل لشخص او ممكن ترفع ثقته بنفسه سنين
 مش كل حد فنان ومش كل حد قادر يعمل من الميك اب فن ومش كل حد يقدر يلمس وجوه الناس بإخلاص واحترام وحس راقي والفنان الحقيقي يبان من اول لحظة من طريقته من فكره من قلبه قبل ما يبان من شغله لان الفن الحقيقي جوه الانسان مش في ادواته وده اللي يفرق بين اي حد وبين الفنان اللي فعلا يستحق الاسم

• الوسوم
• الفن
• مش
• لكل
• الناس
• بقلم
• /
• ميرنا
• حسن
• "
• جريده
• الأضواء
• المصريه
• "
• الفن مش لكل الناس بقلم / ميرنا حسن " جريده الأضواء المصريه "