منوعات

أثر اللون الذي لا يراه أحد بقلم/مرينا حسن " جريده الأضواء المصريه "

• بواسطة المغيرة بكرى
• 2026 Mar 05
• 9

أثر اللون الذي لا يراه أحد

بقلم/مرينا حسن 

في عالم الميك اب في مساحة محدش بيشوفها غير اللي بيلمس الفرشة بإيده وبيقرر يحط أول لمسة على وشه أو وش غيره مساحة هادية جداً تشبه النفس العميق اللي يسبق القرار اللي بيغير شكل اليوم كله لحظة صامتة فيها الروح بتتجمع قبل ما اللون ينزل وفيها الملامح تستعد تكون نسخة تانية من نفسها نسخة مش أجمل ولا أجرأ لكنها أقرب لحقيقتها من أي وقت فات
الميك اب مش مجرد تحسين ولا محاولة إخفاء لكنه إعادة ترتيب لما يتحرك جوا الإنسان قبل ما يتحرك على وشه ألوانه دايماً بتكشف حاجة مش ظاهرة بتقول إن فيه شعور كان مستخبي وقرر يطلع النهارده من غير خوف أو تردد يمكن تكون لمعة صغيرة فوق الخد تخبي تعب أسبوع كامل يمكن تكون طبقة خفيفة حوالين العينين تهدي أثر ليله ما نامتش فيها صاحبتها يمكن تكون جرأة مفاجئة في لون شفايف بيقول إن البنت دي قررت توقف قدام نفسها من تاني
ولأن الميك اب بقى لغة من غير صوت الناس بقت تفهمه من غير ترجمة بقى بيحكي عن الشخصية أكتر ما بتعمل الصور بقى بيرسم خطوط الثقة مش في الملامح بس لكن في طريقة مشي وطريقة نظره وطريقة تعامل مع العالم كأنه درع ناعم بيحافظ على المسافة بين الإنسان وبين كل اللي حواليه من غير ما يبني حواجز ومن غير ما يحتاج يدافع عن نفسه بكلمة واحدة
ومع كل الأدوات اللي ظهرت بقى الميك اب مساحة واسعة للبحث مش عن جمال جديد لكن عن ذات بتتغير كل يوم خطوة صغيرة على الخد تعلن بداية جديدة لمسة خفيفة حوالين الشفايف تعلن هدنة داخلية بين التعب وبين الرغبة في الاستمرار ضوء بسيط فوق الأنف يعيد ترتيب الفوضى اللي جوا الدماغ ويخلي كل حاجه أهدى كأن الوجه لما يستقر الروح كلها تلاقي مكان ترجعله
ومهما اختلفت المنتجات وتنوعت الفرش وتغيرت التركيبات الحقيقة بتفضل واحدة الميك اب مش هدف لكنه انعكاس انعكاس لحدود بتترسم من غير ما حد يشوفها وانعكاس لجرح قديم بيتهدى وانعكاس لفرح جديد لسه صاحبة الوش مش قادرة تعلن عنه وانعكاس لشجاعة هادية تقول أنا موجودة حتى لو كنت تايهة حتى لو كنت مرهقة حتى لو كنت ضعيفة النهارده شوية وبكرة أقل ضعف شوية
والأجمل إن الميك اب بقى مساحة أمان مفيهاش حكم ولا مقارنة مفيهاش حد يملي ولا حد يمنع مفيهاش صراع بين الحقيقي والمصنوع لأنها لحظة صفاء بين الإنسان وبين نفسه لحظة يقول فيها هو عايز يبقى إيه مش عايز يبان إزاي وفي اللحظة دي بس الميك اب يفقد دوره كمنتج ويتحول لطريقة جديدة لرسم النفس على سطح صغير لكنه يشيل قصص كتير أوي
 الميك اب مش على الوش الميك اب في الحالة اللي بتتغير جوا وأول ما تتغير جوا يبان برا من غير ما يسأل حد ومن غير ما يحتاج موافقة من حد لأن اللون الحقيقي هو اللي الإنسان يحطه لما يكون بيحاول يفهم نفسه مش لما يحاول يرضي العالم

• الوسوم
• أثر
• اللون
• الذي
• لا
• يراه
• أحد
• بقلم/مرينا
• حسن
• "
• جريده
• الأضواء
• المصريه
• "
• أثر اللون الذي لا يراه أحد بقلم/مرينا حسن " جريده الأضواء المصريه "