مقالات

حافة الصمت بقلم/ناني عادل " جريده الأضواء المصريه "

• بواسطة المغيرة بكرى
• 2026 Apr 02
• 6

حافة الصمت

بقلم/ناني عادل 

في بعض اللحظات بنلاقي نفسنا واقفين على حافة الصمت حافة ما بين صوت وجوه الناس وصوت داخلنا اللي محتاج يصرخ بلا توقف حافة بتفصلنا عن الماضي اللي حاولنا ندفنه وعن المستقبل اللي خايفين نستقبله حافة فيها شعور بالوحدة وغربة كأن العالم كله مش فاهمنا ولا إحنا فاهمينه
الصمت ده مش بس غياب الكلام الصمت ده مساحة نقدر فيها نسمع نفسنا بدون ضوضاء بدون أصوات تانية الصمت ده بيورينا حاجات عمرنا ما خدنا بالنا منها حاجات عن رغباتنا عن ضعفنا عن القوة اللي جوا كل خطوة مش محسوبة وكل قرار اتأجل وكل حلم اتنسى
وفي حافة الصمت بنواجه الحقيقة اللي طول عمرنا تهربنا منها الحقيقة اللي بتقول إننا كنا بنحاول نفرّ من نفسنا أكتر ما بنحاول نعيش فعلاً بنكتشف إن الوحدة مش عذاب لكن فرصة لفهم جوهرنا لنتعلم نرضي روحنا قبل ما نرضي أي حد تاني بنشوف إن كل خوف كان بيتراكم جوا قلبنا كان حاجه مستنيه بس اللحظة المناسبة علشان يطلع
ومع مرور الوقت بنبدأ نسمع الأصوات الداخلية اللي اتجاهلناها ونبدأ نتحرك بخطوات صغيرة باتجاه فهم الذات باتجاه بناء السلام الداخلي اللي كان غائب عننا بنكتشف إن حافة الصمت مش نهاية الطريق بالعكس هي بداية الطريق الحقيقي لأن اللي بيواجه نفسه في صمت بيكتشف قوته ويفهم قدره ويعرف هو مين
 بنعرف إن الصمت مش فراغ ولا عقاب الصمت مرحلة ضرورية علشان نلاقي صوتنا الحقيقي نكتشف رغباتنا نتصالح مع ضعفنا ونبدأ حياة جديدة مبنية على معرفة أعمق بنفسنا وبكل اللي حوالينا

• الوسوم
• حافة
• الصمت
• بقلم/ناني
• عادل
• "
• جريده
• الأضواء
• المصريه
• "
• حافة الصمت بقلم/ناني عادل " جريده الأضواء المصريه "