روحنا بنفسنا وبحثنا.. بعد ما سمعنا من الناس.. والحمد لله إن لسه الدنيا بخير

نماذج مشرفة

حمادة غالي
أحمد عطية البلاصى
مش كل الأبطال بيبقوا معروفين… فيه أبطال في صمت بيصنعوا الرحمة????

في زمن كله بيقول:
"يا الله نفسي"
و "يا رب سلّم"…

ومن قلب مكان ناس كتير بتخاف تشتغل فيه أصلاً…
تحصل حاجة تخلّيك تقول: (لسه الدنيا بخير)????

تحية واجبة لسيادة العقيد م د / اسلام بيه الوكيل
مدير مركز إصدار بطاقات الرقم القومي بكفرالشيخ Eslam Elwakeel

وسيادة المقدم / سيد احمد مسعود وكيل مركز اصدار بطاقات الرقم القومي بكفرالشيخ Seidahmed Masoud

رجالة بجد من قطاع الأحوال المدنية بمركز المعلومات بمديرية أمن كفرالشيخ ????

القصة بدأت بـ ست كبيرة…
مريضة بشلل… قاعدة على كرسي متحرك… ومش قادرة تتحرك????
واقفة أدام المبنى، وبتقول: يا اولاد الحلال، حد يندهلي موظف من جوا يعملي البطاقة علشان مش عارفة أصرف معاشي... وبتعيط????
واحد من المواطنين دخل للموظفين وطبعاً محدش هيسيب الشباك بتاعه والناس اللى واقفة ويسمع له????
الراجل طلع لرئيس المكتب فوووق.. وحكاله الموقف????

الضابط ساب مكتبه في الدور الرابع…
ونزل لها بنفسه????
مش بس كدا… أخد موظفة معاه، ووقف جنبها، وخلص إجراءاتها بكل سرعة وكل إنسانية ❤️

وأثناء الإجراءات… طلعت عليها غرامات كتير بسبب تغيير بيانات، وانتهاء البطاقة من زمان????
والست معاها بس 50 جنيه… وبتعيط ومش فاهمة يعني إيه أصلاً غرامات????

هنا بقى المشهد اللي يتكتب بماء الدهب????
الضابط رجّعلها فلوسها… وقالها: "ولا يهمك"
ودفع كل المصاريف من جيبه❤️????

واحد من الناس حاول يصوّر الموقف علشان يشكره????
لكن الرد كان أعظم من أي فيديو:
"بلاش تصوير.. الموضوع مش مستاهل.. دا واجبنا… خلوها لوجه الله" ????

الست من كتر الامتنان… كانت عايزة تبوس دماغه ????
لكن اللي حصل انبهار لكل اللي واقف:
سيادة المقدم هو اللي باس راسها… بمنتهى التواضع????
ولما قالتله وهي بتعيط:
"أنا مش بعرف أنزل تاني… هاخد البطاقة امتى؟"????

وقف لحظة محتار… وبص لها…
ووجه كلامه للموظفة اللي يثبت إن الإنسانية لسه عايشة:
"اعملوها فورية فائقة السرعة… والمصاريف كلها عليا
علشان تستلمها فورًا… وتروح بيتها مطمّنة "????????❤️

الكلام هنا بيقف عاجز…
لأن اللي حصل مش مجرد خدمة…
دا ضمير… رحمة… وجدعنة… وخوف حقيقي من ربنا????
رسالة لكل واحد فقد الأمل:
لسه فيه خير… ولسه فيه أمل.. ولسه فيه رجالة بتشيل هم الناس بجد????

كل التحية والتقدير ليكم ????
وربنا يديكم على أد نيتكم الطيبة،
ويبارك في صحتكم، وأولادكم وأهاليكم،
ويجعل كل موقف زي دا في ميزان حسناتكم❤️????
????????????????????????????

لو الموقف دا لمسك… اعمله شير علشان نوصل صوت الخير للناس كلها❤️

المقال السابق

المقال التالي