أزياء

الخيط اللي بيغير شكل اليوم بقلم/ميرنا حسن " جريده الأضواء المصريه "

• بواسطة المغيرة بكرى
• 2026 Apr 15
• 13

الخيط اللي بيغير شكل اليوم

بقلم/ميرنا حسن 

عالم الموضه أوسع بكتير من إنه يكون هدوم أو ألوان أو مقاسات عالم الموضه هو اللحظة اللي الإنسان يختار فيها شكله بإيده قبل ما الدنيا تختارله اللحظة اللي القطعه فيها بتتحول من مجرد قماش لحالة نفسية كاملة بتغيّر شعور وتعدل مزاج وتعيد ترتيب خطوات
اللبس مش ديكور اللبس طاقة اللبس وجود اللبس رسالة صامتة بتتقال من غير ما تخرج كلمة واحدة لأن كل قطعة بتتحط على الجسم ليها معنى بينك وبين نفسك لون معين يشيل عن قلبك هم بسيط قصه قميص ترتاح فيها الروح شكل بنطلون يديك ثقة وطريقة وقفة تشرح حالتك حتى لو صوتك ساكت
الناس فاكرة إن الموضه رفاهية وهي في الحقيقة وسيلة بقاء عاطفي بتساعدك تعدي يوم كامل من غير ما تنهزم قدام نفسك أو قدام العالم لأن طريقة اختيار اللبس ممكن تشيل نص التوتر اللي مش قادر تشيله بالكلام وساعات تانية ممكن تفتح باب لراحة ما كانتش موجودة
الست لما تختار لبسها تختار لحضورها قبل شكلها تختار مزاجها قبل لونها تختار إحساسها قبل تصميمها تلبس حاجة بسيطة بس كلها راحة أو حاجة جريئة وكلها قوة وتخرج للعالم وهي شايلة إحساس مختلف تماما عن اللحظة اللي كانت واقفة فيها قدام الدولاب
والموضه مش بتاعة الأغلى ولا الأشيك الموضه بتاعة اللي بيشوف نفسه في لبسه اللي بيسمع جسمه قبل ما يسمع آراء الناس اللي يفهم إنه ما فيش صيحة تلزمه ولا شكل يغطيه ولا لون يخوّفه الموضه الحقيقية هي اللي تخلي الإنسان يحس إنه واقف على أرضه مش على أرض حد تاني
الملابس ليها تأثير غريب على الروح كم واسع يخفف ضغط كتفين متعبين جزمه مريحة تخفف ثقل المشي ولون فاتح يدي للصدر نفس أطول خط صغير في التصميم يغير نظرتك لنفسك لمساحة تقييم كاملة بتحصل في لحظة ما حدش يعرفها غيرك
وفي الآخر الموضه مش قماش الموضه احساسة بينك وبين نفسك الموضه لحظة تقول فيها للعالم انا هنا بطريقتي بشكل مش شبه حد بخيط صغير يغيّر يوم كامل بشكل ملامحك وبطريقة حضورك وبالهدوء اللي يجيلك لما تحس إن اللبس اللي عليك مش مجرد لبس لكنه امتداد صادق منك ليومك ولروحك

• الوسوم
• الخيط
• اللي
• بيغير
• شكل
• اليوم
• بقلم/ميرنا
• حسن
• "
• جريده
• الأضواء
• المصريه
• "
• الخيط اللي بيغير شكل اليوم بقلم/ميرنا حسن " جريده الأضواء المصريه "