مقالات

دي وثيقة مصرية قديمة عمرها أكتر من 3200 سنة واخده اسم "بردية تقويم القاهرة" أو  Cairo Calendar No. 86637 

• بواسطة يحي الداخلى
• 2026 May 03
• 53

كتب يحي الداخلى 
ليه الوثيقة دي مهمة ؟!
لما علماء الفيزياء الفلكية من جامعة هلسنكي قاموا بتحليلها لقوها بتتكلم عن نجم مشهور في الفضاء اسمه رأس الغول - Algol والنجم ده علمياً بيتصنف نجم Eclipsing Binary يعني هو في الحقيقة نجمين بيلفوا حوالين بعض ولما واحد بيعدي قدام التاني إضاءة النجم اللي بنشوفها من الأرض بتقل لفترة وبعدين ترجع تزيد .. في أوروبا بالقرن 18 كانوا فخورين إنهم اكتشفوا الظاهرة دي 

لكن المفاجأة هنا ان الوثيقة المصرية القديمة اكدت إن الفلكيين المصريين مش بس لاحظوا إن النجم ده بيغير لمعانه بالعين المجردة وبدون أي معدات .. دول كمان حسبوا دورة خفوت النجم ده بـ 2.85 يوم ! وعشان تدرك حجم الدقة.. التلسكوبات النهاردة لما قاست دورة خفوت النجم ده طلع 2.867 يوم يعني بنسبة خطأ 0.017!!!
والمفاجأة اللي اهم من كده ان العلماء في البحث أكدوا إن الفرق الطفيف ده مش خطأ من الفلكيين المصريين لكن ده غالباً بسبب تغير بطيء في كتلة النجم نفسه عبر 3000 سنة !!

القدماء المصريين كعادتهم بيربطوا السماء بحياتهم وربطوا دورة خفوت النجم ده بغضب الإله حورس وسجلوها في التقويم كأيام "نحس" لما إضاءة النجم تقل في السماء والبردية دي بتعتبر أقدم وثيقة في تاريخ البشر لاكتشاف وتسجيل "نجم متغير"

المصادر :

sciencedaily.com/releases/2015/…‎

doi.org/10.1371/journa…‎

ui.adsabs.harvard.edu/abs/2015PLoSO.…‎

البوم الصور

• الوسوم
• دي
• وثيقة
• مصرية
• قديمة
• عمرها
• أكتر
• من
• 3200
• سنة
• واخده
• اسم
• "بردية
• تقويم
• القاهرة"
• أو 
• Cairo
• Calendar
• No.
• 86637 
• دي وثيقة مصرية قديمة عمرها أكتر من 3200 سنة واخده اسم "بردية تقويم القاهرة" أو  Cairo Calendar No. 86637