موال الرزق ستر ربنا الرزق مش بس في مال ولا في قصر عمران

اشعار وخواطر

الرزق ستر ربنا وقت الضيق والأمان

الرزق قلب راضي يعيش مهما كان الزمان

ويقول الحمد لله في كل حال ومكان

يا ما ناس معاها كتير بس قلبها مش سعيد

ويا ما ناس بسيطة جدًا لكن عايشة في عيد

لأن الرضا كنز كبير يخلي العمر مفيد

ويخلّي الهم يخف مهما يكون تقله

الرزق ساعات في ضحكة طفل في حضن أمه

وساعات في دعوة أم تطلع من قلب رحمته

وساعات في ستر ربنا وقت ما تضيق همومه

وساعات في صحبة طيبة تداوي كل نقمه

ما تجريش ورا الدنيا وتنسى رب الكريم

كل حاجة مكتوبة ومقسومة من العليم

لو اتأخر رزقك يوم ما تيأسش يا حليم

ده يمكن الخير جاي لك في وقت عظيم

يا ما اتقفلت أبواب واتقال خلاص مفيش

وفجأة ربك يفتح باب ما كنتش تحس بيه

ويرجع الأمل تاني ويعوضك عن كل شيء

وتقول سبحان الله على اللي حصل وليه

اللي رضي بقسمته ربك يزيده من عطاه

واللي شكر في القليل ربك يبارك خطاه

واللي عاش على النية عمره ما يضيع هواه

ده الرزق في طاعة ربك وفي الرضا معاه

ما تشيلش هم بكرة وخلي قلبك مطمن

كل يوم وليه رزقه

وفي كل لحظة مؤمنة

وربك لو أراد الخير يجيبه حتى لو من
مكان

ما كنتش تتوقعه ولا يوم في ظنك كان

يا رزق جاي من السما
في وقت ما نكون محتاجين

ربك كريم ورحيم
وعلى كل شيء معين

كلمات وتأليف شاعرالبسطاء سعيدسعيدامام #شاعرالبسطاء #سعيدسعيدأمام
#الجميع #اشارة

المقال السابق

المقال التالي

اشترك في النشرة الإخبارية