زجل قصيد باللهجة العامية اللبنانية مُر السعاده

اشعار وخواطر

يا بيت السعد وين بابك
دخلك هديني وعطيني جوابك
على ثيابك ما كنت أستهدي
تأسرق من خزانة سعدك ثيابك
سعيت كتير عملت جُهدي
تأتذوف طعمة دمع مزرابك
ما كان دربك القلب يهدي
لفلفت همي وطويت حسابك
ما قطعت الأمل ماضي بِعهدي
لعَلي بيوم ألتقي بحبابك
بفجر جديد فتَحت سُهدي
طفاله سعدك مقطعه عابوابك
مات الورد وجنى شهدي
عصرتو بكاس أيام السعاده
لقيتو مُر أكثر من شرابك

بقلم الأديب والشاعر يوشع علي إسماعيل

المقال السابق

المقال التالي

اشترك في النشرة الإخبارية