اشعار وخواطر

صرخة الضمير

• بواسطة يحي الداخلى
• 2026 May 25
• 41

بقلم الكاتب سعيد سعيد أمام 

صحينا يوم على صوت جوانا بيعاتب

يقول لنا ليه القلب عن نوره غايب

ليه كل واحد فينا تايه وهارب

وعايش عمره بين ذنب ومتاعب

جرينا ورا دنيا ما تساويش ثواني

وبعنا راحة الروح بأرخص معاني

نسيـنا إن العمر مهما يطول فاني

وإن الطريق من غير هدى يرمينا نعاني

كنا نقول بكرة ونسوف في التوبة

ونضحك للدنيا ونخبي العيوبه

لكن الليالي كانت شاهدة مكتوبة

على قلب ضيع عمره في الدروب المقلوبة

شاف الضمير خطاوينا وهي بتتوه

ونادى علينا بصوت حزين وجروح

قال كفاية بعد وكفاية روح

بتجري في الصحرا من غير ما تلوح

فين الصلاة اللي كانت راحة للروح

فين الدعاء وقت الضيقة والجروح

فين العهد اللي بينا وبين النور

ليه القلب قاسي ومليان فتور

فتحنا المصحف لقينا الكلام بينادينا

كل آية كإنها جاية تداوينا

تقول ارجعوا مهما الدنيا رمت فينا

باب الكريم مفتوح لعبد يجيه حزينه

بكينا على عمر ضاع في الغفلة سنين

وعلى قلوب كانت بتدور على الحنين

وعلى أمة تايهة بين ألف أنين

نسيت إن قوتها في حبل رب العالمين

شفنا الحقيقة من غير رتوش ولا ستاير

إن الهروب عمره ما يطفي الهايب

ولا يداوي قلب موجوع من الضماير

ولا يفتح باب نجاة لعبد خاسر

يا رب رد الأمة لنور كتابك

وارحم قلوب تعبت من عذابها وعذابك

خلّي الرجوع ليك يحيي شبابك

ويغسل أرواح غرقتها ذنوب صحابك

إحنا عبيدك والضعف ساكن جوانا

لكن رحمتك دايمًا بتلم شتاتنا

لو خطوة صدق تخرج من جوانا

تفتح لنا أبواب نورك ورضاك علينا

فرّينا كتير من خوفنا ومن ذنوبنا

لكن مفيش أمان بعيد عن دروبنا

يا رب قبل ما تضيع خطوبنا

رد القلوب اللي تايهة لقلوبنا

وفي الآخر عرفنا إن النجاة

مش في الهروب ولا كتر الحكايات

النجاة إن القلب يرجع للثبات

ويمشي في النور لحد آخر النهايات.

كلمات وتأليف شاعرالبسطاء سعيدسعيدامام

• الوسوم
• صرخة
• الضمير
• صرخة الضمير