اثارة الجدال مرة اخرى بخصوص الفنان عماد زيادة

تصريح

كتب - يحي الداخلى

بعد ما رجع اسمه يتداول بقوة بسبب حضوره فرح بنت شقيقه عند سفح الأهرامات، بدأ الجمهور يفتكر من جديد الجدل الكبير اللي حصل حوالين ثروة الفنان عماد زيادة والعربيات الفارهة اللي بيملكها.

عماد كان عمل ضجة كبيرة وقت ظهوره في مسلسل “نعمة الأفوكاتو” بعربيات فخمة جدًا، وناس كتير وقتها افتكرت إنها مجرد إكسسوارات للتصوير، لكنه فاجئ الجميع وقال إن العربيات دي ملكه بالفعل.

والمفاجأة الأكبر كانت لما اتكلم عن امتلاكه عربيات نادرة وفخمة جدًا، من بينها سيارة “بوجاتي” قيمتها بتوصل لأكتر من 100 مليون جنيه، غير عربيات تانية ظهرت في أعماله الدرامية.

لكن المفاجأة الحقيقية كانت لما كشف إن الفلوس دي مش جاية من التمثيل، وإن عنده شغل عائلي ناجح في تجارة وتوزيع الزيوت مع إخوته، وإن والدته هي صاحبة الفضل الأكبر بعد ربنا في نجاحهم.

عماد أكد إنه مش بيحب يتكلم كتير عن ممتلكاته، ويفضل الناس تركز على شغله كممثل أكتر من أي حاجة تانية.

ومن “بودي جارد” مع عادل إمام، مرورًا بـ”العراف” و”نسر الصعيد”، لحد “نعمة الأفوكاتو”، عماد زيادة قدر يجمع بين النجاح الفني والنجاح التجاري، وده اللي خلى اسمه دايمًا حاضر بقوة سواء على الشاشة أو خارجها.

المقال السابق

المقال التالي

اشترك في النشرة الإخبارية