كتب يحي الداخلى. كيف تحولت من فتاة تحلم بعرض الأزياء لـ عبدة مسلوبة الإرادة .. وكيف أن نفوذ إبستين خلاه يمارس جرايمه حتى وهو بيقضي عقوبته جوه السجن.
???? اليد اليمني لإبستين .. كشفت
كيف تحولت من فتاة تحلم بعرض الأزياء لـ عبدة مسلوبة الإرادة .. وكيف أن نفوذ إبستين خلاه يمارس جرايمه حتى وهو بيقضي عقوبته جوه السجن.
✨مفاجأة قلبت كل الموازين في قضية الملياردير والمجرم الجنسي "جيفري إبستين" السيدة اللي العالم كله كان فاكرها مساعدة إبستين وشريكته الأساسية في الجرايم بس ... طلعت مش مجرد مساعدة بتنفذ أوامر ..وحكت قصتها اللي عبارة عن مأساة من الرعب النفسي والجسدي أستمر لأكتر من 20 سنة.
تعالوا نشوف الكابوس ده بدأ إزاي... ????
????سارة كيلين (46 سنة)، واللي كانت معروفة بـ "ملازم إبستين" وقفت الشهر اللي فات قدام لجنة الرقابة بمجلس النواب الأمريكي، وقالت نصاً {أنا كنت محاصرة جوه عالم إبستين...استدرجني، وأساء إلي جسديا ونفسيا، وتحكم بي، وتلاعب بي، وهيمن علي، ومارس ضدي التضليل النفسي حتى أني لم أعد قادرة على التمييز بين أفكاري وأفكاره}
????سارة كيلين حسب كملت وقالت انها اتربت في بيئة دينية صارمة (طائفة شهود يهوه) ودى بتفرض على الست الخضوع التام للرجل ... إبستين بقى بذكاء شيطاني استغل النقطة دي وخدعها بحجة إنها بتعمل تجربة أداء لـ "فيكتوريا سيكريت" عشان تبقى عارضة أزياء. وطلب منها تقف بالملابس الداخلية وتلف حوالين نفسها عشان يشوف جسمها.. ودي كانت بداية الفخ.
بس تفتكروا الموضوع وقف عند مجرد استغلال لحلمها؟
لأن الحقيقة اللي جاي أسوأ بكتير...
????سارة بتقول انها اشتغلت معاه ومع شريكته "غيسلين ماكسويل" شهور من غير ولا مليم. لحد ما في يوم على جزيرته الخاصة، أمرها تجهزله حوض الأستحمام .. وتخلع ملابسها وتنزل معاه، وبعدها قالها ببرود "الوظيفة بقت بتاعتك"... ومن هنا بدأ الراتب ينزل.. 25 ألف دولار في السنة !!بس مقابل إيه؟ ...شغل 24 ساعة، 7 أيام في الأسبوع و من غير إجازات... سارة كانت بتحكي وهى متأثرة قدام اللجنة: وقالت "فهمت الحسبة صح.. كان بيدفعلي جزء من الفلوس بس عشان يغتـ...صبني".
اما بقي شريكته غيسلين ماكسويل كانت بتسمي سارة ب "العبدة أو التابعة" وقالت إن بالرغم من إن غيسلين كانت قاسية ولئيمة جداً مع الكل ... لكن سارة شافتها بعينيها بتبكي من رعبها من إبستين!
انتو متخيلين حجم السيطرة النفسية؟
????بس استنوا... لأن الجرايم دي مكنتش بتحصل في السر بس، دي كانت بتحصل بمنتهى العنف حتي مع اللي ساعدوه ... ⚠️
سارة بتكمل وبتقول إن الإساءة استمرت سنين في كل مكان على طيارته الخاصة سيئة السمعة "لوليتا إكسبريس"، وعلى جزيرته "ليتل سانت جيمس" اللي وصفتها إنها "عزلة تامة مش مكان للإجازة خالص"... طبعاً في تفاصيل صعب تتقال هنا .. لكن واحد من المواقف اللي حكتها إن إبستين في مرة كان معاها في صالة ألعاب رياضية في "بالم بيتش"، ورفع صوت المزيكا جداً عشان محدش يسمع صراخها ... بعدها خنقها بعنف وأعتدى عليها .
هنا بقى بنوصل للنقطة اللي بتثبت قد إيه الراجل ده كان فوق القانون.. والنقطة اللى هتخليك تسأل .. إزاي ده يحصل؟ ????
⚫الصدمة الكبرى حسب ادعاء سارة إن جرايم إبستين موقفتش حتى وهو مسجون وأنه في 2008 وهو بيقضي عقوبة الـ 18 شهر بتهمة تحريض قاصر على الدعارة ... اتصل بيها فجأة عبر "سكايب" من كمبيوتر جوه سجن مقاطعة بالم بيتش وقالت أنه كان بياخد معاملة خاصة ومسموحله يقضي فترة عقوبته في مكتب ووقتها أمرها تقلع هدومها قدام الكاميرا وما.رس عليها اقصى درجات الرعب النفسي !!! سارة بتقول إن إبستين مسح شخصيتها تماماً... لدرجة انه كان بيتحكم في قصة شعرها ولونه، وبيتلاعب بيها لدرجة إنها مبقتش قادرة تفرق بين أفكارها وأفكاره...ووصفت العيشة معاه كأنها لابسة نظارة واقع افتراضي طول الوقت... و السنين دي سابتها بتعاني من اضطراب ما بعد الصدمة ( PTSD)..ومسلوبة الإرادة تماماً في اتخاذ أي قرار.
????اسمحولي هنا أقولكم إن إبستين مات.. بس فكرته لسه عايشة.. ودى رسالة منى لكل بنت وسيدة ...إبستين ممكن يكون مات في زنزانته ... بس للأسف "المنهج" بتاعه مماتش... والقصة دي مش مجرد حكاية عن ملياردير مجرم ....دي جرس إنذار في مجتمعنا وفي كل مكان فيه نسخ كتير من إبستين ماشيين وسطينا، بس مش بيبينوا الوش الوحش من أول يوم.
الناس دي بتدخل من باب الأحلام وفرصة العمر أو حتى الاهتمام الزايد... بيستخدموا أساليب تلاعب نفسي متقدمة جداً (زي الـ Gaslighting) عشان يشككوكي في نفسك و يعزلوكي عن أهلك وصحابك ويمسحوا شخصيتك بالبطيء لحد ما تبقي مسلوبة الإرادة زى سارة.
طيب إزاي تقدري تحمي نفسك؟
????⛔الحدود خط أحمر:.... مفيش فرصة شغل ولا حلم ولا وعود بالنجاح تستاهل إنك تتنازلي عن حدودك الشخصية أو تعملي حاجة مش مقتنعة بيها.
احذري العزلة:.... لو لقيتي الشخص اللي قدامك (سواء مدير، شريك، أو غيره) بيحاول يبعدك عن دايرة دعمك (أهلك وصحابك) بحجة إنه الوحيد اللي بيفهمك.... فأعتبرى دي أكبر علامة خطر (Red Flag) وأهربي فوراً. .
ثقي في إحساسك (حدسك):..... لو حسيتي إن في حاجة غلط، أو إن اللي قدامك بيحاول يخليكي تشكي في عقلك وأفكارك، متكدبيش إحساسك... لأن التلاعب النفسي بيبدأ بخطوات صغيرة جداً.
????️ قولولي انتوا .. بعد ما عرفتوا التفاصيل دي.. تفتكروا لسه فيه ضحايا لإبستين خايفين يتكلموا لحد دلوقتي؟ وهل الفلوس والنفوذ ممكن يخلوا مجرم يمارس جرايمه وهو خلف قضبان السجن؟
اترك تعليقًا
آخر المقالات
اشترك في النشرة الإخبارية
احصل على آخر الأخبار في صندوق البريد الوارد الخاص بك
اشترك في النشرة الإخبارية
الأكثر مشاهدة
نماذج مشرفة
فن
عرب
أخبار مصر
المؤشرات
-
- سياسة
- أعمال
- إقتصاد
- العالم
- رياضة
- صحة
- علوم
- منوعات
- المعرض
- الصور
- الفيديو
- أزياء
- أخبار مصر
- محافظات
- مقالات
- فن
- عاجل
- حوادث
- مطبخ
- مرأة
- ثقافة
- ديني
- تعليم
- عرب
- جامعات
- طقس
- اشعار وخواطر
- بنوك
- برقيات
- شركات
- سيارات
- أدب
- أسواق
- أخبار
- حوار
- أحزاب
- نماذج مشرفة
- تقارير وتحقيقات
- قضايا
- تصريح
- العملات
- صناديق المؤشرات
- الاسهم
- العملات الرقمية
- شهادات
- السندات
- صناديق
- المؤشرات
- السلع
- التضخم
- تحليل أخبارية
- إتصل بنا
التعليقات الأخيرة