زجل قصيد باللهجة العامية اللبنانية العلم والجهل

اشعار وخواطر

قالوا تجارتك بالشعر خسراني
لقوي تهندس وتعلي مباني
منعرف حيطانك لولو ومرجان
وبيوت شعرك جواهر حرزاني
وحجارتك ورد معطره بريحان
وطينك شهد من قراص ملياني
وبلاطك رخام زكا حرزان
ونقشت حجارك بأزميل رباني
وقفت بين الناس غضبان
حملت همي والنفس غضباني
لفلفت جرح بالوجع مليان
صرت تمتم بكلام عقلاني
شو همني من انسان جهلان
الواحد بيفتكرو عصا رعياني
عقلو مسَكر والفكر خربان
شو ذنبي إذا الجاهل عصاني
أنا شاعر شعور مليان
بسقي الكلمه من عطفي وحناني
بكتبها رمز للصحف عنوان
بفجر مشاعرها بغمرها بِوجداني
يا ناس الشاعر خلق بركان
كتلة حمم تحت القمم وللعاني
ما بيسمع كلمتو الطرشان
ولا خوتان حكمة عقل فهماني
بيهجم على الصح بيقول غلطان
كيف فيي أقنعو العلم نور
وعيون الجاهل عن النور عمياني
بقلم الأديب والشاعر يوشع علي إسماعيل

المقال السابق

المقال التالي

اشترك في النشرة الإخبارية