اللي باقي من العمر
بقلم الكاتب الصحفي وشاعر البسطاء
سعيد سعيد امام
اللي باقي من العمر مش بعد السنين
اللي باقي عمل يفضل بين الناس
ولا يوم كان العمر بعدد الشموع
العمر سيرة تتحكي بالإحساس
في واحد عاش تسعين سنة
ولا حد افتكره بعد الأنفاس
وفي واحد عدى مرور الكرام
وساب في كل قلب أجمل أساس
السن يعلم اللي يتعلم
مش كل شعر أبيض حكمة وخلاص
في ناس كبرت ولسه صغيرة
وفي ناس صغيرة وعندها الماس
ماس الأخلاق وصدق الضمير
وجبر الخواطر وسط الناس
عد الأيام لو كنت عايز
لكن عد كام قلب فرحته
وعد كام دمعة مسحتها
وكام واحد يوم شددته
عد كام باب فتحته بخير
وكام غريب يوم طمنته
وكام وعد قولته ووفيت
وكام جميل عمرك صنته
أصل العمر مش صبح ومسا
ولا شمس تطلع وتغيب
العمر موقف يرفع راسك
وسيرة تخلي اسمك حبيب
إوعى تضيع اللي باقي منك
في خصومة ملهاش لزوم
ولا تشيل في قلبك غل
على واحد خان أو ظلم
سامح. مش عشان اللي قدامك
سامح عشان قلبك يعيش
أصل الغل نار تاكل صاحبها
قبل ما توصل للي ما يستاهلش
الوقت أسرع من جري الريح
ولا حد وقف يوم في مكان
امبارح طفل بيجري في الحارة
النهارده بقى جد لولاد كمان
واللي فات عمره ما يرجع
لكن اللي جاي لسه بإيديك
اكتب فيه خير يفضل شاهد
ويفتح باب الرحمة ليك
ولما تيجي تبص وراك
في آخر مشوار السنين
لو لقيت دعوة في ضهر الغيب
اعرف إنك كسبت العمر مرتين
بقلم الكاتب الصحفي وشاعر البسطاء
سعيد سعيد امام
اترك تعليقًا
آخر المقالات
اشترك في النشرة الإخبارية
احصل على آخر الأخبار في صندوق البريد الوارد الخاص بك
اشترك في النشرة الإخبارية
الأكثر مشاهدة
نماذج مشرفة
عرب
فن
أخبار مصر
المؤشرات
-
- سياسة
- أعمال
- إقتصاد
- العالم
- رياضة
- صحة
- علوم
- منوعات
- المعرض
- الصور
- الفيديو
- أزياء
- أخبار مصر
- محافظات
- مقالات
- فن
- عاجل
- حوادث
- مطبخ
- مرأة
- ثقافة
- ديني
- تعليم
- عرب
- جامعات
- طقس
- اشعار وخواطر
- بنوك
- برقيات
- شركات
- سيارات
- أدب
- أسواق
- أخبار
- حوار
- أحزاب
- نماذج مشرفة
- تقارير وتحقيقات
- قضايا
- تصريح
- العملات
- صناديق المؤشرات
- الاسهم
- العملات الرقمية
- شهادات
- السندات
- صناديق
- المؤشرات
- السلع
- التضخم
- تحليل أخبارية
- إتصل بنا
التعليقات الأخيرة