زجل قصيد باللهجة العامية اللبنانية جينا عرايا

اشعار وخواطر

عرايا عالدنيا جينا عرايا
بنوايا أنقى من لوح المرايا
آدم وحوى بكون فاضي
نزلوا سوى ما ساؤ النوايا
رب العرش عالتكوين ماضي
بكتاب النور جمع كل القضايا
أبونا بمغفرة ربو حاضي
وأُمنا انكتب إسمها عالوح التقايا
رشوا بذارهن بقلب راضي
رِضا الرحمان فوق البرايا
خلقنا بحقلتوا والعمر ماضي
تيعرف منا التقايا والشقايا
ليش عن الحقيقة هالتغاضي
كفانا بالمجتمع كتر البلايا
عالعرايا الرب ما كان قاضي
شو نحنا عند رب الغنايا
اعترض على حُكم القاضي
الحُكم مُبرم تنُصبح فنايا
انمضى الصك بحد ماضي
ما فينا نهرب من تحت حدو
ولا فينا نغير كتاب الهدايا
بقلم الأديب والشاعر د يوشع علي إسماعيل

أحد الملمين بالأدب أعترض على كلمة عرايا جائت في سياق البيت بقصيدة ورقة التين حبيت أنظم له هذه القصيده الزجليه

المقال السابق

المقال التالي

اشترك في النشرة الإخبارية