نسيت نفسي
بقلم الكاتب وشاعر البسطاء
سعيد سعيد امام
صحيت في يوم وبصيت لنفسي
لقيتني مش انا من زمان
ملامحي هي هي في المراية
بس جوايا اتغير انسان
جريت ورا لقمة عيشي
وجريت ورا ستر وامان
وجريت ورا رضا الناس
ونسيت انا عايز ايه كمان
كبرت وانا بقول بكرة
وبكرة عدى كأنه دخان
وكل ما الحلم يقرب مني
اقول لسه بدري يا زمان
شغلت عقلي في الف حاجة
وسبت قلبي عايش حرمان
ضحكت علشان ارضي غيري
وانا جوايا وجع واحزان
كنت بخاف اقول لا
علشان محدش يزعل كمان
وكنت بقول حاضر كتير
حتى لو الحاضر كان حرمان
رضيت بحاجات مش شبهي
وقلت معلش كمان
وسكت عن حقي كتير
علشان اعيش جوه الامان
لحد ما في يوم سألت نفسي
هو انا عشت ولا كان حرمان
هو انا اللي اخترت طريقي
ولا الطريق اختارني زمان
هو انا حبيت بجد
ولا كنت بخاف من الحرمان
هو انا كنت عايز الناس
ولا كنت بخاف من النسيان
لقيت سنين العمر راحت
وسط زحمة وزعيق ودخان
وحاجات كان نفسي اعملها
دفنتها جوايا من زمان
قالوا ده عيب وقالوا مينفعش
وقالوا استنى ده مش اوان
وقالوا ده مش ليك يا ابني
وسكت صوتي من زمان
كل ما صوتي يناديني
اقول له اسكت يا زمان
لحد ما الصوت بقى ساكت
وبقيت انا زي المكان
لا فرحة تهز قلبي
ولا حلم يفتحلي مكان
ولا حتى الزعل يوجعني
بقى كل شيء عندي سيان
ساعتها فهمت الحقيقة
بعد ما فات من العمر زمان
ان اللي يعيش عمره لغيره
يضيع من نفسه كمان
مش عيب تبدأ من جديد
حتى لو فات منك زمان
العيب تفضل في نفس السكة
وانت عارف انها خسران
مش عيب تقول انا غلطت
ولا عيب تعترف كمان
العيب تعرف انك تايه
وتكمل وانت تايه كمان
مش لازم ترضي كل الناس
ولا لازم تبقى انسان كامل
كفاية تبقى صادق مع نفسك
ومتعيش دور مش شبهك كمان
اللي بيحبك هيقبلك
واللي مش عاجبه له مكان
مش كل باب لما يتقفل
يبقى ضاع منك الامان
في ناس وجودها حمل
وفي ناس بعدها ارتياح وامان
وفي سكة شكلها جنة
وفي اخرها وجع وحرمان
وفي سكة شكلها صعبة
بس اخرها فرحة وامان
علشان كده متحكمش بدري
على البداية من غير ختام
خد نفسك من ايدك وقول
كفاية خوف وكفاية هوان
الحياة مش كلها خوف
ولا العمر كله احزان
لو وقعت قوم من تاني
ولو اتأخرت متخفش كمان
ولو حلمك لسه بعيد
امشي ناحيته مهما كان
اصل اللي عاش عمره خايف
بيموت وهو لسه ف المكان
واللي عاش مرة لنفسه
بيسيب وراه معنى وانسان
مش لازم تبقى غني
علشان قلبك يعيش في امان
ولا لازم الناس تصفق
علشان تعرف انك كسبان
كفاية تنام وانت مرتاح
ومش شايل جواك انسان
مظلوم منك علشان فضلت
ترضي كل خلق الله كمان
صالح نفسك قبل غيرك
واسأل قلبك من زمان
كام مرة كان محتاجك
وانت قلت له استنى كمان
كام حلم طلب منك خطوة
وانت رديت عليه بكرة
وكام فرصة كانت قدامك
وانت خفت من كلام الناس
ارجع لنفسك يا صاحبي
قبل ما العمر يفوت كمان
قبل ما تلاقي كل اللي حواليك
وانت من جواك مليان حرمان
مش موت الجسم يا صاحبي
دي روح عايشة في سجان
تضحك وسط الناس عادي
وجواها حلمه لسه عطشان
عشان كده خد قرارك
ومتخليش خوفك سجان
خلي لحياتك معنى
وخلي لقلبك مكان
اعمل حاجة بتحبها
ولو خطوة واحدة كمان
اتعلم حاجة جديدة
وافتح لنفسك باب كمان
صالح حد انت بتحبه
واعتذر لو كنت غلطان
وقول كلمة حلوة بدري
قبل ما يبقى الوقت فات كمان
خد بالك من ابوك وامك
قبل ما يغيبوا عن المكان
وخد بالك من ولادك
قبل ما يكبروا في ثوان
وخد بالك من نفسك
دي امانة مش نسيان
انت مش ماكينة شغل
ولا رقم وسط الزحام
انت انسان ليك قلب
وليك حلم وليك كيان
وليك حق تفرح مرة
من غير خوف ولا حرمان
وفي اخر الحكاية
لما ترجع لنفسك كمان
هتعرف ان اغلى حاجة
مش فلوس ولا مكان
اغلى حاجة انك تلاقي
اللي ضاع منك زمان
تلاقي نفسك القديمة
قبل ما يغيرك الزمان
وساعتها تبص لنفسك
وتقول انا لسه انسان
لسه اقدر ابدأ تاني
ولسه في قلبي مكان
لسه اقدر احلم بكرة
ولسه اقدر اكسر الحرمان
ولسه اقدر اعيش لنفسي
من غير خوف من كلام انسان
متنساش نفسك يا صاحبي
وسط زحمة كل انسان
الدنيا ممكن تاخد حاجات
بس اوعى تاخد منك كيان
بقلم الكاتب وشاعر البسطاء
سعيد سعيد امام
اترك تعليقًا
آخر المقالات
اشترك في النشرة الإخبارية
احصل على آخر الأخبار في صندوق البريد الوارد الخاص بك
اشترك في النشرة الإخبارية
الأكثر مشاهدة
نماذج مشرفة
عرب
فن
أخبار مصر
المؤشرات
-
- سياسة
- أعمال
- إقتصاد
- العالم
- رياضة
- صحة
- علوم
- منوعات
- المعرض
- الصور
- الفيديو
- أزياء
- أخبار مصر
- محافظات
- مقالات
- فن
- عاجل
- حوادث
- مطبخ
- مرأة
- ثقافة
- ديني
- تعليم
- عرب
- جامعات
- طقس
- اشعار وخواطر
- بنوك
- برقيات
- شركات
- سيارات
- أدب
- أسواق
- أخبار
- حوار
- أحزاب
- نماذج مشرفة
- تقارير وتحقيقات
- قضايا
- تصريح
- العملات
- صناديق المؤشرات
- الاسهم
- العملات الرقمية
- شهادات
- السندات
- صناديق
- المؤشرات
- السلع
- التضخم
- تحليل أخبارية
- إتصل بنا
التعليقات الأخيرة