قوم يا قلب
بقلم الكاتب وشاعر البسطاء
سعيد سعيد امام
قوم يا قلبي من عثرتك
واوعى تقول انا تعبان
الدنيا مهما تعاند فيك
بكرة تهدى ويبقى امان
متقولش اصل الناس خذلتني
ولا تقول الزمن خوان
في ناس بتبيع وفي ناس تصون
وفي ناس معدنها غالي كمان
خليك واقف على رجليك
ومتخليش الوجع سجان
اللي انكسر جواه الحلم
ترجعه بالعزم من تاني كمان
واللي خسر جولة في عمره
لسه قدامه الف عنوان
متبصش للباب اللي اتقفل
يمكن وراه باب امان
ومتجريش ورا اللي سابك
اللي اختارك عمره ما يتهان
خلي كرامتك فوق كل شيء
والقلب خليه مليان حنان
اصل القسوة مش هي القوة
واللين مش معناه استكنان
القوي اللي يعدي جرحه
من غير ما يبقى للغدر مدان
والراجل اللي يقع يقوم
ويمسح دموعه من غير اعلان
لو ضاقت عليك الدنيا يوم
وسع قلبك بالرضا والايمان
ولو خانك صاحب كان غالي
متخليش الخيانة عنوان
ولا تخلي وجع كام انسان
يخليك تكره كل انسان
ازرع خيرك حتى في ارض
مفيهاش غير الشوك والحيران
يمكن ثمرة تعبك تتأخر
بس ربك عمره ما كان نسيان
ويمكن اللي زرعته النهارده
يطلع بكرة ظل وامان
اوعى تبيع حلمك يا صاحبي
عشان لحظة ضعف او حرمان
ده الحلم لو سكن في قلبك
يبقى عليك عهد وامان
خليك زي الجبل في مكانه
لاتهزه ريح ومتقدرش عليه كمان
ولو هبت عليك رياح الهم
قول انا ثابت ومش هتهان
انا ابن ناس علموني الصبر
وعلموني ان الحق عنوان
وان اللي يعيش عشان غيره
ربنا يكرمه بكل احسان
قوم يا قلب وكمل سكتك
وارفع راسك لفوق كمان
اللي جاي لسه في ايد ربنا
والخير له ميعاد وامان
ماتخافش من بكره يا صاحبي
مدام في صدرك نفس انسان
خليك متين ولو يوم تعبت
ارتاح شوية وكمل كمان
اصل الحياة مش كلها فرحة
ولا كل طريق فيها ريحان
بس اللي يعرف قيمة نفسه
مش هينحني طول الزمان
واللي يحط ربنا قدامه
عمره ما يعيش مكسور او جبان
قوم يا قلب وخلي عزيمتك
تكتب لنفسك اجمل عنوان
واللي افتكر انك هتضعف
بكرة يشوفك واقف فرحان
لأن اللي اتربى على الاصول
مهما يتعب يفضل انسان
واللي اتكل على رب كريم
مش هيبات عمره خسران
بقلم الكاتب وشاعر البسطاء
سعيد سعيد امام
اترك تعليقًا
آخر المقالات
اشترك في النشرة الإخبارية
احصل على آخر الأخبار في صندوق البريد الوارد الخاص بك
اشترك في النشرة الإخبارية
الأكثر مشاهدة
نماذج مشرفة
عرب
فن
أخبار مصر
المؤشرات
-
- سياسة
- أعمال
- إقتصاد
- العالم
- رياضة
- صحة
- علوم
- منوعات
- المعرض
- الصور
- الفيديو
- أزياء
- أخبار مصر
- محافظات
- مقالات
- فن
- عاجل
- حوادث
- مطبخ
- مرأة
- ثقافة
- ديني
- تعليم
- عرب
- جامعات
- طقس
- اشعار وخواطر
- بنوك
- برقيات
- شركات
- سيارات
- أدب
- أسواق
- أخبار
- حوار
- أحزاب
- نماذج مشرفة
- تقارير وتحقيقات
- قضايا
- تصريح
- العملات
- صناديق المؤشرات
- الاسهم
- العملات الرقمية
- شهادات
- السندات
- صناديق
- المؤشرات
- السلع
- التضخم
- تحليل أخبارية
- إتصل بنا
التعليقات الأخيرة