مقالات

قضية للنقاش                           

• بواسطة يحي الداخلى
• 2026 Aug 26
• 4

                                حرمان الزوجة رؤية الأب من أولاده سبب الطلاق حرام ام حق لها
الطلاق مش نهاية الأبوة، ولا الأمومة، ولا مبرر إننا نقطع صلة الدم بين الأب وعياله!
ربنا قال في كتابه:
 "ولا تزر وازرة وزر أخرى"
يعني الطفل ملوش ذنب في خلافاتكم، ولا في اللي حصل بينكم.

وقال ﷺ:
"كفى بالمرء إثمًا أن يضيع من يعول"
فما بالك باللي يمنع أولاد من أبوهم؟! ده بيضيّع قلوب، وبيكسر نفس، وبيولّد كره عمره ما بيتصلّح. او بتكره اولادها في ابوهم وتتلفظ عليه الفاظ خارجه امامهم او تسلط إبن علي ابيه او او

يا كل أم، لو كنتِ بتحبي ولادك بجد، خافي عليهم من الظلم ده...
لأنك لما تبعديهم عن أبوهم، إنتِ مش بتحميهم… إنتِ بتحرميهم!
بتحرميهم من حضن، ومن دعوة، ومن سند.

وربنا قال:
"فهل عسيتم إن توليتم أن تفسدوا في الأرض وتقطعوا أرحامكم"
وقطع الرحم من الكبائر… والنبي ﷺ قال:
"من قطع رحمه حرمه الله من الجنة"
 الأب ليه حق يشوف أولاده، زي ما للأولاد حق يشوفوا أبوهم.
الشرع قال كلمته، والقلب قال كلمته، والضمير المفروض يصحى.
الطلاق بيخلّي الزوجين غرب، بس الأولاد يفضلوا دايمًا دم واحد...
فبلاش نخليهم يدفعوا تمن الخلاف،
وبلاش نخلي الخصومة تطغى على الرحمة ❤️
و جرائم كثيرة يرتكبها الطرفين في لحظة غضب بسبب اليأس و الحرمان من رؤية الأبناء...و المحاكم و القبور و المشرحة مليانة بنماذج حصدت الشر و القطيعة اللي زرعتها 
اللهم قد بلّغت

• الوسوم
• قضية
• للنقاش 
•  
•  
•  
•  
•  
•  
•  
•  
•  
•  
•  
•  
•  
• قضية للنقاش