زجل قصيد باللهجة العامية اللبنانية نزيف الجرح

اشعار وخواطر

يا شعر بدمع الحزن تيمم
وعاصرخة الأااااخ الوجع تمم
بكفي يا حزن تضل كابس
عاقلبي من الوجع دمي تسمم
شوف الوطن شو صار لابس
من الحزن بثوب السواد تعمم
من دمع أطفال الأرز يابس
ومن نزف جرح شعبوا تحمم
صرلي وقت الهم حابس
بنفسي ولساني مقطب مكمم
شفت الوطن تحت مسمار المكابس
عم يعصر ألم والوجع عمم
وجسمو تمزق من شك الدبابس
قلبو من القهر تورم ودمم
هلاء إجا وقت تغير الملابس
نبني وطن بوحدتنا متمم
ونوقف بوجه معتدي عابس
بلبنان رش حقد سمو شمم
ونرجع بهجة أفراح المحابس
ونلبسو طرحة بياض قلوبنا
ونمسح نزيف الجرح بكفوفنا ترمم
بقلم الأديب والشاعر يوشع علي إسماعيل

المقال السابق

المقال التالي

اشترك في النشرة الإخبارية