اشعار وخواطر

انا قلبي بيعزف

• بواسطة يحي الداخلى
• 2026 Sep 05
• 12

بقلم الكاتب وشاعر البسطاء سعيدسعيدامام

انا قلبي بيعزف من غير عود ولا اوتار
بيعزف حكايات عمر بين فرحة وانكسار
وتر للحب لما يجي وتر للشوق لما يغيب
ووتر لدمعة بتنزل من غير ميعاد ولا قرار

انا قلبي بيعزف لما يفتكر اللي كان
لما يحن لصوت حبيب او حضن كان امان
لما يشوف صورة قديمة في ركن من المكان
فيقوم يعزف لحن شوق ويصحى جواه الحنان

قالولي ليت الايام ترجع زي زمان
قلت يا ريت بس ترجع ومعاها الامان
ترجع ضحكة كانت من القلب من غير حساب
وترجع ناس كان وجودها عندنا مش مجرد كلام

يا ريت ترجع لحظة قبل اول فراق
قبل كلمة وجعت قلب وقبل ما يقسى الاشتياق
قبل ما كل واحد ياخد طريق بعيد
وقبل ما يبقى الحنين ساكن بينا من غير لقاء

يا ريت اقدر اقول لناس وحشتني كتير
ان غيابهم في القلب كان وجعه كبير
واني مهما حاولت اقول خلاص نسيت
كان الحنين كل ليلة يقول لي انت لسه اسير

بس الزمن يا صاحبي مش بيرجع للوراء
واللي مشي من العمر مش هيرجعه البكاء
احنا اللي في ايدينا نعيش اللي باقي صح
ونخلي بكره يعوض القلب عن وجع اللي فات

خلي المشاعر تعزف ومتخليش الوتر ينكسر
خلي الحزن يعدي ولو كان في القلب اثر
خلي الشوق رسالة مش سجن يحبس العمر
وخلي الحب لما ييجي نفتح له الف باب

اصل الحياة مش صورة قديمة في البال
ولا حكاية خلصت ونفضل عايشين في السؤال
الحياة لحظة بنعيشها ولو كانت قصيرة
وبكره ممكن يكتب للقلب اجمل موال

 يا صاحبي عزف بيجمع القلوب
خلي لحننا الليلة يفتح الف باب للتوبة
للي ندم على كلمة وللي ضيع حبيب
وللي عاش عمره خايف ولسه نفسه تتوب

وقولي لكل قلب حزين ومش لاقي كلام
ان اللي فات خلاص بقى صفحة من الايام
ولو الايام مش راجعة ولا هترد اللي كان
لسه في ايدينا نكتب لحن جديد للامان

انا قلبي بيعزف ومش هسكت الوتر
هغني للحياة حتى لو جوايا اثر
وهقول للزمن خد اللي فات منك وانصرف
انا لسه هنا ولسه اقدر ابدأ من جديد

ولو كان لحن الامس كله وجع وحرمان
هعزف لحن بكرة على وتر الامل كمان
واكتب على باب قلبي من غير خوف ولا ندم
اللي راح كان حكاية
واللي جاي لسه مكان 
بقلم الكاتب وشاعر البسطاء سعيدسعيدامام

• الوسوم
• انا
• قلبي
• بيعزف
• انا قلبي بيعزف