مقالات

????يا جبار اجبر كسر قلبي

• بواسطة يحي الداخلى
• 2026 Oct 15
• 12

 ..
 # قرأت للأستاذة مرفت عبد الوهاب في مجموعة ( المتحابون في الله )..تقول : 
هي الدنيا هموم وإنكسار ؛ وأهوال مع الأيام تجري ؛ وليس يضير ما نلقاه دوما لأن الله يجبر كل كسر ..وتعليقي المتواضع هو :
????الجملة دي عقيدة لوحدها ..تلخص الدنيا كلها في سطرين ..* هي الدنيا كده فعلا ..دار هم وكسر وأهوال ..ولو كانت بتصفي كانت صفيت للنبي صلي الله عليه وسلم ..وهو أحب الخلق إلي الله .= بس الحلو اللي فيها :*أنها بتجري ..والكسر فيها مش بيدوم لأن الجبار موجود .*
# أمثلة من القرآن : ربنا مسماش نفسه الجبار عشان بيقهر ..سمي نفسه الجبار عشان "" بيجبر ""(فإن مع العسر يسرا إن مع العسر يسرا )..ربنا ما قالش بعد العسر يسر قال " معاه " يعني في قلب الهم نفسه فيه جبر جاي ..وأيضا( لا يكلف الله نفسا إلا وسعها ) ..الهم اللي جالك علي مقاس كتفك بالظبط ..وأنت قده ..### ومن السنة النبوية الشريفة :  النبي صلي الله عليه وسلم قال :*" ما يصيب المسلم من نصب ولا وصب ولا هم ولا حزن ولا أذي ولا غم حتي الشوكة يشاكها إلا كفر الله بها من خطاياه "*# وكان من دعاء النبي صلي الله عليه وسلم بين السجدتين :
*"اللهم أغفر لي وارحمني وأهدني وأجبرني وارزقني "*   شايف ؟ وأجبرني ..لأن كلنا مكسورين ومحتاجين جبر *وقال صلي الله عليه وسلم : *" عجبا لأمر المؤمن إن أمره كله خير "*  الخلاصة : = إن الدنيا دار كسر عمرها ما هتستقيم لك ..مرة تخسر؛ مرة تتظلم ؛ مرة قلبك يتكسر  ؛ مرة جسمك يوجعك ....ولكن ما يضيرنا ما نلقاه لأن لنا ربا يجبر ..يبتليك عشان تسمع صوتك وانت بتقول ( يارب ) ويكسرك عشان ترجع له مجبور ..فقول من قلبك :
# يا جبار اجبر كسر قلبي ..
؛؛ اللهم صل وسلم وبارك علي سيدنا محمد وعلي آله وصحبه أجمعين ؛؛
= يحيي سالم دخيل الله =

• الوسوم
• ????يا
• جبار
• اجبر
• كسر
• قلبي
• ????يا جبار اجبر كسر قلبي