هو بعيد عن مين شتم مين ومين فيهم قال للتاني يا "بلبل العرب" ومين قال يا "ك" العرب … لكن الحقيقة دا مستوي عالي من الانحطاط والعبث لا يليق بالفن المصري ولا بناس المفروض انها بتمثل القوي الناعمة لمصر
لكن اللي الواحد مستغربه ان اسم الفنانة تحية كاريوكا يستخدموه في المستوي ده من الانحطاط ويتم التعامل معاه باعتباره اهانة وواحد يشتم التاني يقوله يا "كاريوكا العرب"
ودا جنب الانحطاط والعبث بيعبر عن جهل الفنانين دول بمين تحية كاريوكا وياريت يحاولوا يقروا عنها ويجيبوا كتاب زي "كاريوكا بين الفن والسياسة" عشان يعرفوا ان الست تحية دي كانت تاريخ من الفن والإنسانية والسياسة وواحدة من اهم أيقونات الفن المصري ، ست كان ليها مواقف وطنية وسياسية اظن يعني هما الاتنين معندهمش ربع شجاعتها والله
فياريت حد يفهم الفنانين ان كاريوكا مش شتيمة نلقح علي بعض بيها .. واحمدوا ربنا انها مش عايشة وشافت اللي بتعملوه اصل كانت هتفرج عليكم خلقه اكتر ما هما بيتفرجوا
العبوا مع بعض براحتكم يا نجم انت وهو بس بعيد عن الست تحية اللي كانت نجمة بجد في زمن الفن ليه قيمة
مش مجرد تريند في زمن اي حد فاكره نفسه تاريخ !!
محمود بدر
التعليقات الأخيرة