إهداء بقلم الكاتبة: عفاف مسلم إلى المهندس: علي عبد الله عيسى عقار قرية غزالة - مركز السنبلاوين - الدقهلية قالوا خلاص البيت ده واقع ومال
وقرار إزالته في الورق يتكتب
وقف المهندس والضمير راس مال
وحسبها صح بعلم مش يتغلب
علي عبد الله والاسم يشهد له
ابن الأصول والهندسة والمقام
عيسى اللي بعلمه المستحيل ذلّله
ورجّع المايل لبر السلام
فحت الأساس في القلب وبحسبة
وسحب التراب م العكس بالملّي
زرع الأعمدة ووزنها في اللحظة
خلّى التقيل يرجع ويتدلّي
عالج هبوط التربة بالتحقين
ودعّم القواعد بأقوى ركاز
عوّض حموله واستغل التُقل
والزاوية العكسية بقت إنجاز
لا شرخ بان في حيطة ولا في جدار
ولا ضاع تعب ولا شقى سنين
وقف البنا راسي في عز نهار
بإيدين ولاد مصر المهندسين
يا مصر يا أم المعجزات والهمم
جواكي دايماً ألف مليون بطل
من عهد خوفو لحد وقتنا ده
في مصر عمر المستحيل ما يبتدي!
التعليقات الأخيرة