قضايا

تعرض ممثلة افلام اباحية شهيرة للاغتصاب على يد فرد من طاقم تصوير افلامها ..

• بواسطة يحي الداخلى
• 2025 Aug 16
• 51

 تعرض ممثلة افلام اباحية شهيرة للاغتصاب على يد فرد من طاقم تصوير افلامها ..

كتب يحي الداخلى 

من كام سنة تابعت قضية اغتصاب فى ايطاليا ، قريت عن القضية صدفة فى وقتها فتابعتها لحد صدور الحكم .. تابعتها وانا مستغرب وكنت فى الاول بستخف بالقضية اللى كانت عن

 تعرض ممثلة افلام اباحية شهيرة للاغتصاب على يد فرد من طاقم تصوير افلامها ..

ومن ضمن اللى قالته للقاضى انه كان بيروحلها شقتها بعد الشغل باعتباره صديق .. وفجأة فى ليلة ارغمها تحت تهديد السلاح انه يقيم معاها علاقة .. المهم القاضى حكم عليه ب 5 سنين سجن وغرامة مالية كبيرة ..

قولت لنفسي وهى كان هيفرق معاها ايه لو وافقته واقامت معاه العلاقة .. ماهى ممثلة افلام اباحية اصلا .. وليه الضجة دى فى الصحف الايطالية والبعض كان شايف الحكم قليل !! 

ماهى ممثلة افلام اباحية كان هيفرق معاها ايه !! 

لكن بعد مدة كدا والقضية دى اخدت منى فعلا حيز من التفكير توصلت لانه الفكرة فى الاجبار والاختيار .. هى ايوا ممثلة افلام اباحية لكن ده باختيارها .. ايوا انا ضد ده ولا اقبله وضد منظومتى الفكرية مثلا .. لكن تعرضها للاغتصاب جبرا يستحق انى اتعاطف معاها لانها اجبرت على الفعل بالقهر .. من ناحية تانية وده الاهم انه اعتراضى عليها وعلى شغلها ماينفعش يكون مبرر ليا عشان اوافق او ادافع عن اللى اغتصبها لان الاغتصاب فى حد ذاته جريمة لا تبرر حتى لو المغتصبة ممثلة افلام اباحية 

_____ 

افتكرت القضية دى وانا بتابع الايام اللى فاتت حادثة الشباب اللى حاصروا بعربياتهم عربية البنات وطاردوهم لحد البنات عملوا حادثة وكانوا هيموتوا .. ورغم الفارق بين القضيتين والمشهدين وان البنات دول بنات ماعملوش حاجة غير انهم خرجوا راحوا كافيه بيقدم قهوة الصبح بدرى !! لكن افتكرت القضية لما بدأ البعض يتكلم عن البنات وليه رايحين كافيه الساعه 7 الصبح ، ولابسين ايه ، حتى ان واحدة منهم اللى فى الصورة دى مش محجبة لبست الحجاب وهى بتتصور لاحد المواقع الاخبارية عشان اتهامات البعض .. رغم ان معظم الناس كانت فى التعليقات متعاطفة معاهم جدا وفرحوا لما الداخلية قبضت على العيال دول بسرعه .. لكن البنت خافت ان المرضى يتهموها فى اخلاقها وشرفها لانها مختلفة فى شكلها ولبسها عنهم .. البنات دول كانو لابسين ترينجات .. لكن حتى لو البنات دول لابسين اى لبس خارج ومبالغ فيه فعلا ده مش مسوغ لتبرير مطاردتهم لان المطاردة دى ارهاب ، ولا تبرير افعل التحرش والدفاع عن المتحرش ..  

العيال اللى طاردوا البنات بدورهم بعد القبض عليهم لمحوا ان البنات تجاوبوا معاهم فى الكافيه وضحكولهم ، وده شجعهم يتعقبوهم لانهم عارفين ان ده هياكل مع العقلية المريضة .. وطبعا ده كدب لانه لو كدا البنات هربوا منهم ليه اصلا .. العيال دول من وسط ثقافى عالى بعيد عن المؤثرات سلفية الفكر دينيا او ذكوريا .. المفروض .. وكلهم كليات طب وسياسة واقتصاد ، لكن المشكلة هنا فكرة الاستباحة لاى حد نتصور انه مستباح لانه لابس بشكل او بيتكلم بشكل او عايش بشكل احنا شايفينه مدعاة اننا ننتهكه ونخترقه ونستسهله .... 

الفكر ده حلقته بتضيق فى كل مرحلة .. يعنى المرة دى وافقنا على استباحة البنات دول لانهم مش لابسين حجاب .. المرة الجاية هيتم استباحة المحجبة لانها مش منقبة وبعدين يتم استباحة المنقبة لانها مش قاعدة فى البيت .. هنستبيخ دى لانها مسيحية بعدين هنستبيح دى لانها مسلمة مش مححبة بعدين هنستبيح دى لانها مححبة حجاب مش عاجبنا .. الخ 

احترامنا لبعض واحترامنا للاختلاف وايماننا اننا مش شبه بعض واحترامنا للقانون هو اللى هيضمن لكل واحد أمانه وامان اسرنا واولادنا وبناتنا واخواتنا ، واللى هيضمن انه مافيش فئة هتتغول على فئة .. ولو كان اللبس سبب للتحرش او الاغتصاب فايه مبرر اغتصاب طفلة البامبرز فى السويس او اغتصاب البنت الخرساء المنقبة ..

 التحرش فكرة تبدأ فى عقل المتحرش وليس فى شكل او ملابس المتحرش بها

• الوسوم
• تعرض
• ممثلة
• افلام
• اباحية
• شهيرة
• للاغتصاب
• على
• يد
• فرد
• من
• طاقم
• تصوير
• افلامها
• ..
• تعرض ممثلة افلام اباحية شهيرة للاغتصاب على يد فرد من طاقم تصوير افلامها ..