رياضة

تعرف علي رسالة الخطيب لـ لاعبي الأهلي في اجتماع اليوم بالتتش 

• بواسطة يحي الداخلى
• 2025 Sep 12
• 57

تعرف علي رسالة الخطيب لـ لاعبي الأهلي في اجتماع اليوم بالتتش 

كتب محمد فضل 
اجتمع اليوم الكابتن محمود الخطيب رئيس النادي الاهلى بلاعبي فريق الاهلى والجهاز الفنى بقيادة عماد النحاس ولذلك من أجل رسالة مهمه عن تاريخ النادى والمرحلة السابقه والمقبلة 

حيث كانت الرسالة كالتالي 

الكابتن وليد والكابتن عماد وكل الطاقم الموجود، هما اخواتكم، هما المسئولين مسئولية كاملة عن كل ما يخص الفريق الأول.

عايز اتكلم معاكم، كـ كورة، الكرة مش اسماء، الكرة "جدعنة ورجولة، وسبرينتات واحتكاك"، الكرة مش اسماء أبدا، خدوا بالكم، احنا في استاد مختار التتش "رحمة الله عليه" احد الاساطير، مرورًا بـ وجود سيادتكم وكلهم كانوا احسن منا، كله راح وانتم دلوقتي وجهة النادي.

كلنا بنزول، والأهلي اللي باقي، وان شاء الله سيبقى، اللي صنع الاسم دا مين "الاهلي"، والأهلي بيصنع اسماء كل يوم، مينفعش الناس تلعب باسمائها، الناس تلعب بمجهودها وتكون رجالة.

الفترة اللي فاتت، مكنتش احب ابدا تكون موجودة معاكم انتم، الاهلي كيان، الاهلي تاريخ، الاهلي مبادئ، الأهلي قيم، والاهلي هيبقى كدا.. والأهلي هيذكر اللي هيمشي على نفس الخط بتاعه، لازم نفكر يا رجالة في الكلام دا.. احنا النهاردة ناويين نقدم ايه ونعمل ايه.

وانا اتكلمت معاكم قبل كدا.. واضح ان احنا نسينا، ازاي تقدروا جماهير الأهلي وتحترموا كيان النادي، هو دا المطلوب منكم، النادي الأهلي بيصبر لكن مبيقبلش أي حاجة غير اللي هيساهم في رفع اسم كيان هذا النادي، دا اللي احنا هنقبله بس

انا عندي ثقة كبيرة في كل واحد فيكم، ننسى الفترة اللي فاتت، نشطب عليها، ونشوف اللي جاي ايه، وانا متأكد يا رجالة، لو التركيز زاد، الموضوع ان شاء الله تحققوا كل اللي تتمنوه، واللي الجماهير تتمناه

حافظوا على تاريخكم تاريخ ناديكم، نقدر جماهيرنا ونحترمهم، وان شاء الله كلنا نمد ايدينا ونقرأ الفاتحة..

• الوسوم
• تعرف
• علي
• رسالة
• الخطيب
• لـ
• لاعبي
• الأهلي
• في
• اجتماع
• اليوم
• بالتتش 
• تعرف علي رسالة الخطيب لـ لاعبي الأهلي في اجتماع اليوم بالتتش