كتب يحي الداخلى ماهو سر كفتة الحاتي الطرية ????????

• بواسطة يحي الداخلى
• 2025 Sep 19
• 61

 كتب يحي الداخلى ماهو سر كفتة الحاتي الطرية ????????

 

معلقة واحدة بس هتخلي الكفتة معاك طرية زي الملبن، من غير ما تكش ولا تفك..

النهاردة جبتلكم كل أسرار الحاتي ????????

 

المقادير:

 

كيلو لحمة مفرومة فيها ٢٠٪ دهن ????

 

تفل بصلة كبيرة (من غير الميه ونخلي الميه على جنب) ????

 

ملح + فلفل أسود

 

معلقة كبيرة توابل كفتة مشوية

 

معلقة كبيرة نشا (دي سر الطراوة ????)

 

رغيف بلدي بايت

 

الطريقة:

 

1. نخلط تفل البصل مع التوابل الأول، وبعدين نضيفهم على اللحمة.

 

2. ننقع الرغيف في شوية مايه + معلقة من ماية البصل ٥ دقايق، ونعصره كويس جدًا ونضيفه على اللحمة.

 

3. أهم خطوة ???? العجن! لازم تعجني اللحمة كأنك بتعجني عيش لحد ما تشوفي خيوط دي ألياف اللحمة.

 

4. نسيب الكفتة في التلاجة نص ساعة علشان تتشمع.

 

تتبيلة التشكيل:

نجيب ماية البصل ونحط عليها: ملح + فلفل + معلقة صلصة أو كاتشب + ٢ معلقة زيت.

ونبل إيدينا بالخليط ده وإحنا بنصبع الكفتة على أسياخ خشب أو حتى معلقة خشب.

 

التسوية:

 

الفرن لازم يكون سخن جدًا (٢٠٠ درجة). لو دخلت على فرن بارد الكفتة هتنزل عصارتها وتنشف.

 

تستوي في ٢٥ دقيقة بالظبط.

 

أول ما تطلع نلمعها بالدهون اللي نزلت في الصينية.

 

لو عايزة ريحة الفحم: نولع فحمة ونحطها في ورق فويل وسط الكفتة وننزل عليها معلقة سمن ونغطيها.

 

???? ممكن تشويها كمان على الفحم أو الجريل أو حتى الطاسة.

 

الكفتة دي هتطلع طرية، متماسكة، ومش هتكش أبداً.. والنشا + رغيف العيش هما السر ????

وجربيها وهتعرفي إن سر الحاتي كله في العجن والتتبيلة ????????

 

 

• الوسوم
• كتب
• يحي
• الداخلى
• ماهو
• سر
• كفتة
• الحاتي
• الطرية
• ????????
• كتب يحي الداخلى ماهو سر كفتة الحاتي الطرية ????????