اشعار وخواطر

مصر يا أم الشدائد

• بواسطة يحي الداخلى
• 2025 Oct 19
• 464

.......... مصر يا أم الشدائد ..........

ب✍️ الشاعر ياسر عبد العاطى جعفر 

مصر يا أم الشدائد فى التحدى 
اسمك اتكتب بالخلود
 
غر اعدائك سكوتك والصدمة
 كانت قوية فى الردود

يوم تقولى فين ولادى تلاقيهم
 وحدة واحدة عالحدود

دكتور مهندس معلم محامى
 كلهم فى لحظه بقوا جنود

اصل حبك طبع مش بإيدينا
 ده ورث أبونا من الجدود

تناديهم ياخدوا تارك يطفوا 
نارك من عدوك اللدود

السادس من أكتوبر الساعة 
2 الظهر وفوا ولادك بالوعود

رفعوا العلم ردوا القلم رجالة
 ماهمهمش نار ولا بارود

وقف العالم  تعظيما لما شاف 
ولادك الاشاوس الأُسوُد

 بيحطموا اكبر كدبة ليهم
 لما قالوا عندنا مانع صدود

ذكرى عظيمة لنصرنا فى
 ملحمة قضينا فيها عاليهود
 
يومها التاريخ قال كلمته 
وبقيتى يا مصر رمز الصمود

ب✍️ الشاعر ياسر عبد العاطى جعفر

• الوسوم
• مصر
• يا
• أم
• الشدائد
• مصر يا أم الشدائد