مقالات

السند.. كلمة صغيرة تصنع فرقا كبيرًا في الحياة

• بواسطة يحي الداخلى
• 2025 Oct 26
• 41

السند.. كلمة صغيرة تصنع فرقا كبيرًا في الحياة

بقلم/نهي  احمد مصطفي 

في كل زاوية من زوايا الحياة، نبحث عن معنى يربطنا بالأمان، عن دفء إنساني يخفف قسوة الأيام، عن وجود يجعلنا نشعر أننا لسنا وحدنا… وهذا المعنى كله يختصره لفظ بسيط لكنه عميق: “السند”.

 السند.. مش بس شخص

السند مش دايمًا بيكون إنسان قوي أو صاحب سلطة، أحيانًا بيكون كلمة طيبة، أو لمسة حنان، أو نظرة تفهم من غير ما تتقال.
السند هو اللي يشيل عنك الهم قبل ما تحكيه، ويشوف وجعك من غير ما تطلب، ويفضل جنبك لما الكل يبعد.

هو الأمان اللي يديك طاقة تكمل، ويخليك تصدّق إن الدنيا لسه فيها خير.

 السند رزق

مش كل الناس بتلاقي السند الحقيقي، لأن السند مش صدفة، ده رزق من ربنا، بيبعته في الوقت اللي تكون محتاج فيه كتف تستند عليه، أو قلب يحتويك من غير مقابل.

ولما تلاقي السند، تمسّك بيه، لأنه مش دايمًا بيتكرر، ومش سهل تلاقي حد يحبك لله، ويدعيلك من غير ما تنتظر منه حاجة.

 كن أنت السند

جميل إنك تلاقي السند… لكن الأجمل إنك تكونه.
كن سبب في راحة حد، في ضحكة، في أمل بيتولد من جديد عند شخص كان فاقده.
السند مش بس فعل، ده موقف وإنسانية وصدق.
وفي زمن بقى فيه البُعد عادة، والأنانية طاغية، وجود شخص صادق يساندك هو أثمن ما يمكن أن تملكه.

في النهاية، تذكّر دائمًا أن الدنيا رغم قسوتها، ما زالت بخير…
طالما فيها قلوب تعرف معنى “السند”

• الوسوم
• السند..
• كلمة
• صغيرة
• تصنع
• فرقا
• كبيرًا
• في
• الحياة
• السند.. كلمة صغيرة تصنع فرقا كبيرًا في الحياة