مقالات

حين تصمت الحياه لتكشف ما وراء الهدوء بقلم/نشأت البسيوني " جريده الأضواء المصريه "

• بواسطة المغيرة بكرى
• 2025 Dec 26
• 163

حين تصمت الحياه لتكشف ما وراء الهدوء
بقلم/نشأت البسيوني 

حين تصمت الحياه لتكشف ما وراء الهدوء في لحظات كتير بنفتكر إن الهدوء اللي حوالينا نوع من السلام لكن الحقيقة إن الهدوء أوقات بيكون صرخة مكتومة محدش سامعها غير اللي عايش جواها صرخة بتقول إن في قلب بيتعب وعقل بيدور على بر أمان وروح بتحاول تفهم ليه الدنيا بتتقلب فجأة بدون إنذار ساعات بنبص لنفسنا ونلاقي إن الوجه اللي بنشوفه في المراية مش هو 

نفس الوجه اللي كان من سنين كأن العمر سرق ملامحنا ورسم بدالها خطوط من التجارب والصبر والمواقف اللي ما كناش فاكرين إنها هتعدي علينا ولا هنعرف نستحملها ومع كل ده واقفين لسه بنحاول نكون بخير حتى لو جوانا دوشة محدش شايفها بنمشي في الحياة وإحنا شايلين جوانا أسئلة مالهاش إجابة ليه ناس كانت السند وبقت مجرد ذكرى ليه أيام كانت مليانة ضحك بقت دلوقتي 

ساكنة زي الليل ليه أحلام كانت بتجري ناحيتنا بقت بتبعد كل ما نقرب منها وليه رغم كل ده بنكمل وبنقاوم ونتعلق في خيط صغير من الأمل كأنه آخر نفس بنقدر نعيشه يمكن لأن الإنسان اتخلق عنده قدرة ما تتقاسش قدرة يخسر ويقوم ويتوجع ويكمّل وينكسر ويضحك ويتعب ويقف تاني كأن الروح مصممة تعيش مهما حصل وساعات كتير اللي بينقذنا مش الناس اللي حوالينا لكن كلمة 

صغيرة عدت علينا صدفة أو ذكرى افتكرناها أو لحظة إحساس رجعت لقلوبنا القدرة على الصبر ويمكن كمان نظرة لحد لسه بيحبنا بجد في زمن الكل بقى فيه مستعجل وما بقاش حد فاضي يفهم اللي جوانا بنعدي على أيام بنتمنى تنتهي بسرعة وأيام بنتمنى تطول ما تخلصش وأيام بنحتار هي ليه موجودة أصلا لكن في الآخر بنفهم إن كل يوم كان بيشكل فينا طبقة جديدة بتخفف عن 

اللي بعدها بتقوي اللي جاي وبتحكي لنا من غير كلام إن الحياة مش ثابتة وإن إحنا مش لازم نفضل نفس الشخص وإن اللي راح اتشال من طريقنا لحكمة واللي جه اتكتب علشان يعلمنا حاجة ما كناش هنعرفها لو ما مرينا بكل اللي فات وفي لحظة هتيجي يمكن متأخرة يمكن بعد تعب طويل هنفهم فيها إن الهدوء اللي كنا بنخاف منه كان بداية لتغيير كبير وإن الوجع اللي كنا بنهرب منه كان 

بيصلح جوانا أكتر ما بيكسرنا وإن الوحدة اللي حسينا بيها كانت بتفتح باب نرجع نسمع نفسنا من تاني وإن الحياة حتى لو قست بتسيب دايمًا حتة نور صغيرة تقدر الروح تمسك فيها وتقوم من جديد حتى لو العالم كله شايف إن الوقوف مستحيل

• الوسوم
• حين
• تصمت
• الحياه
• لتكشف
• ما
• وراء
• الهدوء
• بقلم/نشأت
• البسيوني
• "
• جريده
• الأضواء
• المصريه
• "
• حين تصمت الحياه لتكشف ما وراء الهدوء بقلم/نشأت البسيوني " جريده الأضواء المصريه "