مقالات

حين يولد الإنسان من رماد تجربته الأخيرة

• بواسطة يحي الداخلى
• 2025 Dec 31
• 90

بقلم/نشأت البسيوني 

حين نكتشف ان اعظم الرحلات هي تلك التي خضناها داخل انفسنا بنفهم ان الطريق اللي كنا بنجري وراه برا كان مجرد صدى لطريق تاني جوانا طريق ما حدش شايفه غيرنا وما حدش هيمشيه غير خطواتنا وان السعي اللي تعبنا ما كانش علشان نوصل لشيء في الدنيا لكنه كان علشان نرجع لنفسنا من جديد نفسنا اللي ضاعت وسط دوشة الناس ودوامة العلاقات وضغط الاحلام اللي مش دايما 

كانت احلامنا من البداية ولما نقرب اكتر نعرف ان اجمل اكتشاف في الحياة هو اكتشاف اننا كنا بنهتم بكتير مش مهم واننا كنا خايفين من حاجات ما تستحقش واننا كنا شايلين فوق كتافنا هموم مالهاش علاقة بينا ولا بنجربتها ولا بوجعنا وان القلب اللي تعب سنين هو نفس القلب اللي هيتولد تاني بس بعد ما يتخلص من كل اللي كان رابط روحه في مكان غلط وكل اللي كان بيشدنا لارض 

مش ارضنا وناس مش اصحاب طريقنا ومع كل لحظة صمت نعرف ان الصمت مش سكون الصمت صوت عالي بيعلمنا ونكتشف ان الوحدة مش وحدة الوحدة علاج وان العزلة مش هروب العزلة ترتيب وان السكون مش فراغ السكون وعي وان القلب لما يهدى بيشوف اللي مكانش شايفه وبيفهم اللي كان بيخاف يفهمه وبيستوعب ان كل اللي انهدم ما كانش ثابت وكل اللي اختفى ما 

كانش اصيل وكل اللي راح ماكانش لنا وبنبدأ نعيد حساباتنا من جديد نعيد ترتيب قلوبنا ونبعد ناس كانوا تعب علينا اكتر من اللازم ونقرب من نفسنا اكتر ونسمعها اكتر ونصدقها اكتر لانها الوحيدة اللي ما كذبتش علينا رغم كل اللي عدانا ورغم كل اللي كسرنا ورغم كل الاوقات اللي كنا فيها بنحارب علشان نثبت لناس ما استحقوش دقيقة من عمرنا ومع كل تغير يحصل جوانا نفهم ان الحياة مش 

سباق الحياة مش معركة الحياة مش مقارنة ولا منافسة الحياة مسار خاص جدا ما ينفعش حد يحسبه لحد وما ينفعش حد يحدد هتروح فين ولا هترجع امتى وان القلوب اللي عرفت وجع بزيادة ربنا بيزرع فيها نور بزيادة وان الروح اللي اتظلمت كتير ربنا بيكتب لها سلام عمر ما حد يقدر ياخده ولما ناخد الخطوة الاخيرة في الرحلة الداخلية دي نرجع مختلفين نرجع انضج واوعى واقوى 

نرجع بعين ما بتركضش ورا اللي مش لنا وبقلب ما بيفتحش ابوابه لأي عابر وبروح بتعرف تقول لأ وبتعرف توقف وبتعرف تمشي في الوقت اللي يمشي فيه غيرها نرجع واحنا فاهمين اننا ما نخسرش ابدا اللي ما كانش لينا واننا نكسب كتير لما نخسر اللي كان بيستهلك نورنا وفي اخر الطريق ندرك ان اعظم الانتصارات مش اللي بنحققها قدام العالم اعظم الانتصارات هي اللي بتحصل جوانا 

في اللحظة اللي نتصالح فيها مع نفسنا ونحبها بصدق ونسمح لها تعيش من غير قلق ومن غير جلد ومن غير خوف من الماضي او من القادم ولما نوصل للحقيقة دي نعرف ان اللي جاي دايما احسن وان الطريق اللي قدامنا اوسع وان القلب اللي تعب كتير هيعرف يرتاح وهيعرف يحب وهيعرف يعيش من غير ما يتوجع من اول خبطة واللي جاي دايما اجمل لما الرحلة تبدأ من جوه مش من بره

• الوسوم
• حين
• يولد
• الإنسان
• من
• رماد
• تجربته
• الأخيرة
• حين يولد الإنسان من رماد تجربته الأخيرة