مقالات

حين يتوه معني الصدقه في. حمه الأشارات بقلم / ناني عادل " جريده الاضوه المصريه"

• بواسطة المغيرة بكرى
• 2026 Jan 23
• 29

حين يتوه معنى الصداقة في زحمة الإشارات

بقلم/ناني عادل 

في زمن بقى فيه كل شيء سريع أكتر من اللزوم وبقت العلاقات بتتبني من لمسة شاشة ورد على تعليق وإضافة متابعة، ظهرت مشكلة كبيرة محدش واخد باله منها… إن معنى الصداقة بقى بيتسرق من قدام عينينا وإحنا سايبين. فيه إنسانة بتتكلم النهارده مش عشان تشكي ولا عشان تلوم، لأ، هي بتتكلم عشان تقول كلمة ناقصة في قلب الدنيا: يا ريت نفهم معنى الصداقة صح.
الصداقة مش إن إنسانة ردت عليك في محادثة فتبقى واخد الموضوع بحسابه، ومش إنك لقيت تعليق لطيف منها فتقول من جواك إنها بقت أقربلك من غير ما يبقى في حياة فعلًا. الصداقة مش كلمة بتتعلق على أول رسالة، ومش وعد بيتولد من رد سريع أو ضحكة مكتوبة. الصداقة مش افتراض، ولا خيال، ولا بناء وهم على موقف عابر.
في إنسانة بتقول:
“يا ريت تفهموا إن ردّي عليكم مش معناه إني صاحبتكم، وإن قبولي للمتابعة مش توكيل رسمي إنكم جزء من يومي، وإن الكلام الحلو مش عهد. أنا إنسانة لطيفة مع الكل، بعمل حساب لاحترام الناس، بس مش معنى ده إن أي حد يربط نفسه بيا باسم الصداقة.”
هي بتتكلم عشان توضح إن الصداقة مش بتبدأ من إشعار، ولا من زرّ إعجاب، ولا من محادثة اتفتحت فجأة. الصداقة أعمق من كده بكتير… الصداقة بناء، والصداقة وقت، والصداقة اختبار، والصداقة موقف. الصداقة مش “هي ردت عليّ… يبقى إحنا بقينا قريبين”. الصداقة مش استعجال.
في ناس بتتعلق بسرعة عشان هم طيبين زيادة عن اللزوم، وفي ناس بتفهم المشاعر غلط عشان محتاجين وجود حد في حياتهم، بس ده مش معناه إن كل إنسانة لازم تتحمل مسؤولية توقعاتهم. فيه حدود، وفيه فهم، وفيه احترام لازم يتحط قبل أي خطوة.
الإنسانة دي بتقول:
“ما تبنوش علاقة على افتراض… وما تفتكروش إنكم أقرب لحد لمجرد إنه كان محترم أو رد عليكم بأدب. الصداقة بتتعمل بين اتنين اختبروا بعض، شافوا بعض، شالوا مع بعض واتشالوا. الصداقة مش مجاملة… الصداقة اختيار.”
وإحنا في عصر الافتراضيات، لازم نسمع كلامها كويس… لازم نفهم إن مش كل تعامل اجتماعي = علاقة، وإن مش كل رد = اهتمام، وإن مش كل كلمة = وعد. الحياة أبسط من كده بكتير… وأعمق من كده بكتير.

لو عرفنا نفهم معنى الصداقة بجد، هنرتاح.
ولو عرفنا نفصل بين الاحترام وبين الارتباط، هنعيش بسلام أكبر.
ولو عرفنا قيمة المسافة الصح، هنبطل نزعل من توقعات غلط.
هي مش بتلوم حد…
هي بس بتقول:
“افهموني صح… علشان العلاقة تفضل نظيفة والقلوب تفضل خفيفة.”

• الوسوم
• حين
• يتوه
• معني
• الصدقه
• في.
• حمه
• الأشارات
• بقلم
• /
• ناني
• عادل
• "
• جريده
• الاضوه
• المصريه"
• حين يتوه معني الصدقه في. حمه الأشارات بقلم / ناني عادل " جريده الاضوه المصريه"