منوعات

الملامح التي تصنع صوتها بقلم/ميرنا حسن " جريده الأضواء المصريه "

• بواسطة المغيرة بكرى
• 2026 Apr 02
• 15

الملامح التي تصنع صوتها

بقلم/ميرنا حسن 

عالم الميك اب مش مجرد محاوله لتجميل الوجه ولا اخفاء التعب ولا اضافه لمعه سريعه للصور عالم الميك اب اكبر من كل ده عالم بيحاول يفهم الملامح قبل ما يغيرها يسمعها قبل ما يلونها ويقرا الحزن او الفرح المستخبي جواها من غير ما تنطق لأن كل وجه ليه لغته الخاصه اللي ما تتشبهش بحد
الميك اب الحقيقي مش اللي يملا الملامح ولا اللي يغطيها الميك اب الحقيقي هو اللي يرجع للملامح حقها في انها تحس بنفسها من تاني لأن الملامح ساعات بتتعب من كتر الأيام ومن كتر الكلام اللي اتقال غصب عنها ومن ساعات السهر اللي ما حدش لاحظها الميك اب هنا مش عملية تغير هو عملية استرجاع بطيئه لملامح كانت موجوده لكن نامت
كل فرشاه لما تلمس الجلد بتصحى حاجه صغيره جواك حاجه يمكن ما تعرفش اسمها بس تحس بيها شويه خفه شويه ثقه شويه ملامح بترجع مكانها مظبوط كأن الهدوء رجع يشكل الوش من جديد من غير ما يفرض عليه شكل مش شكله لأن الميك اب لو فقد احترامه لملامحك بيخسرك قبل ما يضيف لك
العيون دايما بتفضح كل حاجه اول لمسه للظل بتفوقها وتخلي نظرتها ترجع تاني لهدوء كانت فقدته شويه والشفايف لما تستقبل اللون تحس كأنها استقبلت نبض جديد وبعدها الخدود اللي تلمع لمعه خفيفه كأنها بتقول انا لسه موجوده ولسه قادره تضوي رغم كل حاجه حصلت
والعجيب إن الميك اب مش مجرد شكل بيتغير هو حاله كامله بتتبدل جواك استعداد لصوت جديد في ملامحك صوت هادي صوت واثق صوت راجع من مسافة طويله من التفكير وكل ما اللون يتوزع صح كل ما الصوت ده يبقى اعلى من سكتك واعمق من تعبك
الميك اب مش عشان حد يشوفك احلى الميك اب عشان انتي تشوفي نفسك اقرب لنفسك نسخه تانيه من نفس الملامح بس ترتاح فيها الروح شويه وتتنفس فيها ابتسامه ما طلعتش من زمان نسخه تكوني فيها قادره تشيلي يومك من غير ما ينزل ثقل الدنيا على عيونك
وفي الآخر الميك اب مش اداة تجميل الميك اب مرآه داخليه بتعيد ترتيب الحزن وتوزيع الفرح في وش واحد وتخلي الملامح تحكي بصوت هادي انا لسه اقدر ولسه مكمله ولسه جمالي ما ابتداش حتى يتقال

• الوسوم
• الملامح
• التي
• تصنع
• صوتها
• بقلم/ميرنا
• حسن
• "
• جريده
• الأضواء
• المصريه
• "
• الملامح التي تصنع صوتها بقلم/ميرنا حسن " جريده الأضواء المصريه "